ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

Magistratura qánigeliklerine qosımsha qabıllaw ushın ruxsat berildi

Ózbekstan Respublikası mámleketlik joqarı oqıw orınlarına 2021-2022-oqıw jılı magistratura qánigelikleri boyınsha kiriw imtixanlarında qatnasıp, qánigelik pánnen belgilengen maksimal balldıń 40 procenti (40 ball) hám onnan joqarı ball toplaǵan abiturientlerdi tiyisli joqarı oqıw ornı tárepinen belgilengen tólemli kontrakt tiykarında ballar izbe-izligine qatań ámel etken halda qosımsha qabıllawǵa ruxsat berildi.

Joqarı hám orta arnawlı bilimlendiriw ministrliginiń xabar beriwinshe, magistratura kiriw imtixanlarında qatnasıp, joqarıdaǵı talaptı orınlaǵan talabanlar joqarı oqıw orınlarınıń qabıllaw komissiyasına 2021-jıl 9-noyabrden baslap múrájat etiwi múmkin.

Tólemli kontrakt muǵdarınıń keminde 50 procentin tólewdiń sońǵı múddeti 2021-jıl 20-noyabr etip belgilendi.

Maǵlıwmat ornında atap ótiw kerek, Ózbekstan Respublikası Prezidentiniń 2021-jıl 22-iyundaǵı PQ-5157-sanlı qararına muwapıq, magistratura qánigeliklerine qosımsha qabıllaw tólemli kontrakt muǵdarı bir studenttiń oqıwı ushın sarplanatuǵın qárejet muǵdarınan kelip shıqqan halda joqarı oqıw ornı tárepinen belgilenedi.

Islam Matekov,
Qaraqalpaqstan xabar agentligi.