ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

Qaraqalpaqstanda neshe student vakcina menen shanshılǵanı málim boldı

«Kun.uz» basılımı ÓzR Sanitariyalıq-epidemiologiyalıq tınıshlıq hám jámiyetlik salamatlıq xızmetine tiykarlanıp, usı kúnge shekem neshe student koronavirusqa qarsı vakcina menen shanshılǵanı haqqındaǵı maǵlıwmattı járiyaladı.

Xabarda jazılıwında, Ózbekstanda 571,5 mıń studentten 371 028 student, yaǵnıy olardıń 64,9 procenti vakcina menen shanshılǵan.

Málim bolıwınsha, Qaraqalpaqstanda 55 863 student vakcina menen shanshılǵan. Bul Ózbekstan kóleminde ekinshi joqarı kórsetkish bolıp turıptı.

Esletip ótemiz, koronavirus infekciyasına qarsı vakcina alǵan hám sertifikat tapsırǵan barlıq studentlerge tólemli kontrakt summasına bir mártelik 10 procentlik shegirme bonusı beriliwi belgilengen bolıp, sertifikatlardı tapsırıwdıń eń sońǵı múddeti 15-noyabr etip belgilengen.

Islam Matekov,
Qaraqalpaqstan xabar agentligi.