ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

Kelesi oqıw jılınan baslap abiturientlerdiń mekteptegi bahaları JOOǵa kiriwde esapqa alınadı

Ózbekstan Respublikası Ministrler Kabinetiniń 2021-jıl 19-noyabrdegi 696-sanlı qararına muwapıq, bilimlendiriw mákemeleri pitkeriwshileriniń ortasha kórsetkishin esaplaw hám onı joqarı oqıw orınlarına kiriw imtixanlarında esapqa alıw tártibi haqqındaǵı reje tastıyıqlandı. Bul haqqında «Huquqiy axborot» kanalı xabar berdi.

Rejege muwapıq, mektep pitkeriwshileriniń attestatındaǵı 11 jıllıq bilimlendiriwdiń sońǵı 6 jıllıq bahaları JOOǵa kiriwdegi ballǵa qosıladı. Bahalar elektron platformalar arqalı esaplanadı hám Mámleketlik test orayınıń «ABITUR» baǵdarlamasına jiberiledi.

Bahalardıń ortasha kórsetkishi 6-11-klasslardaǵı yamasa 6-9-klasslar hám 1-2-basqıshlardaǵı jıllıq bahalardıń ulıwmalıq jıyındısın oqıtılǵan pánlerge bóliw arqalı shıǵarıladı.

Maksimal ball 100 procent dep alınadı hám ballar bahalaw sistemasına tómendegishe ótkeriledi:

86-100% ushın – 5 bahası;
71-85% ushın – 4 bahası;
56-70% ushın – 3 bahası hám 56% ke shekem – 2 bahası.

Bul tártip 2022-2023-oqıw jılınan baslap qollanıladı.

Islam Matekov,
Qaraqalpaqstan xabar agentligi.