ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

Kontrakt tólemlerin tólew múddeti uzaytılıwı kútilmekte

Házirgi waqıtta kópshilik studentler hám olardıń ata-analarınıń múrájatların esapqa alıp, tólemli kontrakt tiykarında studentlikke usınıs etilgen abiturientler jáne oqıwın bir joqarı oqıw ornınan basqa joqarı oqıw ornına kóshirip atırǵan studentler ushın kontrakt tólemlerin tólew múddetin uzaytıw boyınsha ministrlik tárepinen tiyisli usınıslar tayarlandı hám tólew múddetiniń uzaytılıwı kútilmekte. Bul haqqında Joqarı hám orta arnawlı bilimlendiriw ministrligi xabar berdi.

Maǵlıwmat ornında atap ótiw kerek, Mámleketlik komissiyanıń tiyisli májilis protokolı tiykarında respublikamızdaǵı mámleketlik joqarı oqıw orınları bakalavriatı hám magistraturasına tólemli kontrakt, sonıń ishinde, eselengen tólemli kontrakt tiykarında studentlikke usınıs etilgen abiturientler ushın tólemlerdi tólew múddeti 2021-jıldıń 20-noyabr sánesi etip belgilengen edi.