ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

Juwmaqlawshı mámleketlik attestaciyadan jıǵılǵan studentlerge hár oqıw jılında imtixandı eki márte qayta tapsırıw huqıqı berildi

Ózbekstan Respublikası Ádillik ministrligi tárepinen Joqarı hám orta arnawlı bilimlendiriw ministriniń Ózbekstan Joqarı bilimlendiriw mákemeleri pitkeriwshileriniń juwmaqlawshı mámleketlik attestaciyası haqqındaǵı ustavqa ózgerisler kirgiziwdi názerde tutatuǵın buyrıǵı mámleketlik dizimnen ótkerildi.

Usı tiykarda, juwmaqlawshı mámleketlik attestaciyalıq imtixannan óte almaǵan pitkeriwshi keyingi hár bir oqıw jılında (3 jıl dawamında) óz arzasına muwapıq 2 mártege shekem imtixandı qayta tapsırıw huqıqına iye.

Maǵlıwmat ornında atap ótiw kerek, aldınǵı tártip boyınsha pitkeriwshi juwmaqlawshı mámleketlik attestaciyalıq imtixanınan óte almaǵan jaǵdayda kelesi jılları qayta tapsırıw huqıqına iye edi. Bul jaǵday student ushın bir qansha qıyınshılıqlar, atap aytqanda, onıń bir jıllıq qımbatlı waqtın maqsetli sarplay almawına sebep bolıp kelgen.

«Bunnan bılay studentler tárepinen qayta tapsırıw haqqındaǵı arzalar jıynalıwına qaray bir oqıw jılında eki mártege shekem mámleketlik imtixanlardı qayta tapsırıw imkaniyatı jaratıldı», — dep jazılǵan Ádillik ministrligi xabarında.

Islam Matekov.