Ózbekstan Respublikası Prezidenti janındaǵı Aralboyı xalıqaralıq innovaciyalıq orayı hám «YUNISEF» tárepinen ámelge asırılıp kiyatırǵan «ImkonLab» joybarı usı jıldıń 8-19-noyabr kúnleri aralıǵında Nókis rayonında ámelge asırıldı.

Joybardıń final basqıshına 16-25 jas aralıǵındaǵı ulıwma 10 komanda qatnasıp, onda jaslar sociallıq innovaciyalar hám isbilermenlikke baǵdarlanǵan joybarları menen qatnastı.

Áhmiyetlisi, joybarǵa Ájiniyaz atındaǵı Nókis mámleketlik pedagogikalıq institutı student jaslarınan quralǵan ulıwma 2 komanda qatnasıp, final basqıshı juwmaǵında hár bir komanda joybarların ámelge asırıw ushın 1 000 AQSh dollarınan – jámi 2 000 AQSh dolları muǵdarındaǵı grant jeńimpazı boldı.

Nókis rayonında bolıp ótken joybardıń komandalar quramına toqtalıp ótsek, fizika-matematika fakultetinen A.Jeńisova, Q.Kaniyazov, A.Esbergenov, M.Kenesbaeva, súwretlew óneri hám texnologiyalıq tálim fakultetinen S.Qutanov, tariyx fakultetinen A.Mamutovlar qatnastı.