ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

Qabul 2024

«Jaslar menen jaqınnan islesiw – hár birimizdıń baslı wazıypamız» atamasında seminar bolıp ótti

Seminarǵa institut fakultetleriniń jaslar menen islesiw hám ruwxıy-aǵartıwshılıq isleri boyınsha dekan orınbasarları, tyutorlar, tiyisli bólimler hám taraw qánigeleri qatnastı.

Seminarda instituttıń jaslar menen islesiw hám ruwxıy-aǵartıwshılıq isleri boyınsha prorektorı Q.Qodirov búgingi kúnde Prezidentimiz basshılıǵında mámleketimizde jaslarǵa qaratılıp atırǵan itibar, keń múmkinshilikler hám bulardan nátiyjeli paydalanıw, sonday-aq, jaslardıń bos waqıtların paydalı jumıslarǵa baǵdarlaw, olardıń qábiletlerin jáne de rawajlandırıw, «ata-ana – máhálle – institut» sistemasın turaqlı ámelge asırıw, student-jaslardıń mashqalaların tez anıqlap úyrenip, sheshim tabıwdıń jańa texnologiyaların engiziw barısında aldımızda turǵan wazıypalarǵa toqtaldı.

Seminar barısında, sońǵı waqıtlarda sociallıq tarmaqlarda respublikamız joqarı oqıw orınları student-jasları arasında ushırasıp turǵan kewilsiz jaǵdaylarǵa keń toqtalıp, bunday jaǵdaylar bárshemizdi sergeklikke shaqırıwın, instituttaǵı hár bir xızmetker bulardan juwmaq shıǵarıp tiyisli ámeliy jumıslar alıp barıw kerekligin hám bul boyınsha aldaǵı wazıypalar belgilenip alındı.