ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

9-dekabr – Xalıqaralıq korrupciyaǵa qarsı gúresiw kúni

Ájiniyaz atındaǵı NMPIde 9-dekabr – Xalıqaralıq korrupciyaǵa qarsı gúresiw kúni múnásibeti menen barlıq fakultetlerde sociallıq salamat ortalıqtı saqlaw hám korrupciyanıń aldın alıw boyınsha alıp barılıp atırǵan jumıslardıń nátiyjeliligin bunnan bılay da jetilistiriw boyınsha ushırasıwlar ótkerildi.

Ótkerilgen ushırasıwlarda instituttıń Korrupciyaǵa qarsı gúresiw «Kompleans qadaǵalaw» sistemasın basqarıw bólimi baslıǵı P.Xojabekov búgingi kúnde mámleketimizde ámelge asırılıp atırǵan keń kólemli reformalar, sonıń ishinde, bilimlendiriw tarawın ele de jetilistiriw hám modernizaciyalaw boyınsha qabıl etilip atırǵan qarar hám pármanlar, olardıń mazmunı hám áhmiyeti, olardıń orınlanıwına baǵdarlanǵan ilajlar jáne jol kartalarınıń islep shıǵılıwı, olardı ámelge asırıwda fakultetler jámáátiniń ornı hám roli haqqında aytıp ótti.

Sonıń menen birge búgingi kúnde jámiyetimizde elege shekem ushırasıp turǵan korrupciya illeti haqqında keń toqtalıp, Ózbekstan Respublikası Prezidentiniń 2019-jıl 27-maydaǵı «Ózbekstan Respublikasında korrupciyaǵa qarsı gúresiwdi bunnan bılay da jedellestiriw haqqında»ǵı pármanında belgilengen «Korrupciyasız taraw» joybarınıń orınlanıwı tiykarında islep shıǵılǵan Jaslarǵa korrupciyaǵa qarsı gúresiw tarawında huqıqıy bilim beriw boyınsha kompleksli ilajlar baǵdarlaması boyınsha keń túrde maǵlıwmat berdi.