Studentlerdiń oqıwın kóshiriw tómendegi keshirimli sebeplerge baylanıslı báhárgi semestrden burın da ámelge asırılıwı múmkin:

— respublikanıń bir aymaǵınan ekinshi aymaǵına turaqlı jasaw ushın kóshkende;
— turmısqa shıǵıw múnásibeti menen ómirlik joldası turaqlı jasaytuǵın aymaqqa kóship ótkende;
— ómirlik joldası yamasa ata-anası áskeriy xızmetti atqarıw ornın ózgertkende;
— ata-anası (ómirlik joldası) sırt eldegi mámleketlik xızmetinen qaytqanda.

Bunda:

— oqıwın kóshiriw boyınsha arza tapsırıw – hár jılı 20-dekabrden kelesi jıldıń 20-yanvarına shekem;
— oqıwın kóshiriw boyınsha arzanı kórip shıǵıp, qarar qabıl etiw – hár jılı 25-yanvardan 15-fevralǵa shekem ámelge asırıladı.

Arzalar:

— oqıwın kóshiriw bir joqarı oqıw ornı (JOO) sheńberinde bolǵanda JOOnıń qabıllaw komissiyasına tapsırıladı;
— basqa jaǵdaylarda Joqarı hám orta arnawlı bilimlendiriw ministrligi tárepinen shólkemlestiriletuǵın Aymaqlıq jumısshı toparlarǵa tapsırıladı.

Islam Matekov.