Ájiniyaz atındaǵı Nókis mámleketlik pedagogikalıq institutında juwmaqlanıw aldında turǵan 2021-jıl juwmaqlarına arnalǵan saltanatlı keshe bolıp ótti.

Keshede instituttıń ilimiy isler hám innovaciyalar boyınsha prorektorı M.Jalelov sózge shıǵıp, 2021-jıl dawamında institutta oqıp atırǵan student-jaslar ilim, bilimlendiriw, mádeniyat, sport, ádebiyat, kórkem óner, jámiyetlik hám ruwxıy-aǵartıwshılıq jumıslarda úlken nátiyjelerge eriskenligin atap ótip, olarǵa kelesi oqıw hám jumıslarında tabıslar tiledi.

Saltanatlı keshede instituttıń oqıw, ruwxıy-aǵartıwshılıq hám jámiyetlik jumıslardaǵı belsendiligi ushın bir topar studentler hár qıylı nominaciyalar boyınsha «Alǵıslaw» sıylıǵına múnásip dep tabıldı. Atap aytqanda:

«Eń belsendi student» nominaciyası menen – Diana Qayıpova (Tábiyǵıy pánler fakulteti);
«Eń belsendi studentler keńesi jetekshisi» nominaciyası menen – Gúlziba Berdibaeva (Baslawısh tálim fakulteti);
«Eń belsendi úgit-násiyatlawshı» nominaciyası menen – Islam Qalmuratov (Magistratura bólimi);
«Bilimge qushtar student» nominaciyası menen – Jayna Jollıbaeva (Tariyx fakulteti);
«Eń jaqsı intellektual oyınshı» nominaciyası menen – Maqset Saparov (Shet tilleri fakulteti);
«Eń xosh hawaz student» nominaciyası menen – Múbárek Palvasheva (Pedagogika fakulteti);
«Eń belsendi ayaq-oyınshı» nominaciyası menen – Nargiza Uralbaeva (Túrkiy tiller fakulteti);
«Eń belsendi jaslar awqamı jetekshisi» nominaciyası menen – Qoblan Perdebaev (Mektepke shekemgi tálim fakulteti);
«Ilimge qushtar student» nominaciyası menen – Saltanat Ospanova (Fizika-matematika fakulteti);
«Eń belsendi dekan orınbasarı» nominaciyası menen – Sharapatdin Arziev (Túrkiy tiller fakulteti);
«Eń belsendi shólkemlestiriwshi student» nominaciyası menen – Husanboy Yuldashev (Súwretlew óneri hám texnologiyalıq tálim fakulteti).

Keshede jıl dawamında ilim, bilimlendiriw, mádeniyat, sport, ádebiyat, kórkem óner tarawlarında respublikalıq hám xalıqaralıq tańlawlar, konferenciyalar, jarıslarda sıylı orınlardı iyelegen studentler, respublikalıq pán olimpiadaları, mámleketlik stipendiyalar tańlawı, «Jıl studenti» tańlawında jeńimpaz bolǵan studentlerge institut kásiplik awqamı komiteti hám rektoratı tárepinen tayarlanǵan bayram sawǵaları, minnetdarshılıq xatları jáne húrmet jarlıqları saltanatlı jaǵdayda tapsırıldı.

Keshe instituttıń qábiletli studentleri atqarıwındaǵı koncert baǵdarlaması menen dawam etti.

Islam Matekov,
NMPI baspasóz xatkeri.
Avtordıń túsirgen fotoları.