Ózbekstan Respublikası Prezidenti Sh.Mirziyoevtiń Ózbekstanda jańa bir oyanıw – Úshinshi Renessans dáwirine baylanıslı pikirleriniń mazmunı hám áhmiyetin keń úyreniw jáne úgit-násiyatlaw arqalı jaslardıń jámiyette júrgizilip atırǵan jámiyetlik-siyasiy processlerdegi belsendiligi, intellektual potencialın rawajlandırıw, ilimiy-izertlew jumısların jedellestiriw, olardıń ideologiyalıq immunitetin bekkemlew maqsetinde «Úshinshi Renessans – jaslar názerinde» tańlawı ótkeriledi.

Tańlawǵa belgilengen kriteriyalar tiykarında Ózbekstan Respublikasındaǵı joqarı bilimlendiriw hám ilimiy-izertlew mákemelerinde izleniw alıp barıp atırǵan jas dárektanıwshı ilimpazlar, izleniwshi hám magistrlar qatnasıwı múmkin.

Tańlaw tómendegi baǵdarlar boyınsha ótkeriledi:

— bes áhmiyetli baslamanı keń túrde engiziw hám onda jaslardıń qatnasın arttırıw;
— jaslar arasında IT texnologiyalar hám shet tillerin ózlestiriwdiń zamanagóy mexanizmlerin islep shıǵıw;
— bilimlendiriwdiń barlıq basqıshlarında jaslardıń sapalı bilim alıwın támiyinlew, aymaqlarda inklyuziv bilimlendiriwdi rawajlandırıw boyınsha innovaciyalıq qatnas usılları (sırt el tájiriybesi tiykarında);
— jaslardı ilim hám innovaciyalarǵa qızıqtırıwdıń ádettegidey bolmaǵan usılları;
— jaslar, sonıń ishinde, erjetpegenler arasında jınayatshılıq hám huqıqbuzarlıqlar profilaktikasın ámelge asırıw boyınsha tásirsheń mexanizmlerdi islep shıǵıw.

Tańlaw eki basqıshta bolıp ótedi:

— Dáslepki (birinshi) basqısh – joqarı bilimlendiriw hám ilimiy-izertlew mákemesinde ótkeriledi;
— Respublikalıq (juwmaqlawshı) basqısh – Jaslar isleri agentliginde ótkeriledi.

Tańlawdıń dáslepki basqıshında belgilengen baǵdarlar boyınsha qatnasıwshılar óz joybarların usınadı. Joybarlar tóreshiler quramı tárepinen 100 ballıq sistemada bahalanadı.

Tańlawdıń juwmaqlawshı respublikalıq basqıshında qatnasıwshılar tóreshiler quramınıń joybarǵa baylanıslı sorawlarına juwap beriwi kerek boladı. Hár bir baǵdar boyınsha tóreshiler quramınıń juwmaǵına muwapıq, eń joqarı ball toplaǵan 3 joybar arasınan tóreshiler quramınıń dawıs beriwi arqalı jeńimpazlar anıqlanadı.

Tańlawǵa jeke yamasa topar bolıp, 35 jasqa shekemgi bolǵan jaslar qatnasıwı múmkin.

Tańlaw qatnasıwshısı bolǵan hár bir adam yamasa topar bir nominaciya boyınsha bir joybar menen qatnasadı.

Tańlawdıń dáslepki basqıshı jeńimpazları joqarı bilimlendiriw hám ilimiy-izertlew mákemeleri tárepinen:

1-orın – 10 million sum;
2-orın – 7 million sum;
3-orın – 4 million sum muǵdarındaǵı aqshalay sıylıq hám tiyisli diplom menen sıylıqlanıwı múmkin. Respublikalıq basqıshqa tek ǵana 1-orın iyeleri ótedi. 2- hám 3-orın iyeleriniń ilimiy basshıları jáne tiyisli kafedra jámáátine rektor (direktor)dıń minnetdarshılıq xatı tapsırıladı.

Tańlawdıń respublikalıq basqıshı jeńimpazları Jaslar isleri agentligi tárepinen:

1-orın – 30 million sum;
2-orın – 20 million sum;
3-orın – 10 million sum muǵdarındaǵı aqshalay sıylıq, tiyisli diplom hám statuetkalar menen sıylıqlanadı.

Tańlawǵa qatnasıw menen baylanıslı qárejetler tańlaw qatnasıwshısı tárepinen erkin túrde qaplanadı.

Tańlaw haqqında tolıq maǵlıwmatlarǵa iye bolıw ushın tańlaw ustavın júklep alıń.

«Úshinshi Renessans – jaslar názerinde» tańlawınıń ustavı