ÓzLiDeP Qaraqalpaqstan Respublikalıq keńesi «Jaslar qanatı»nıń baslaması menen 14-yanvar – Watan qorǵawshılar kúni hám Ózbekstan Respublikası Qurallı Kúshleri dúzilgenliginiń 30 jıllıǵı múnásibeti menen Ájiniyaz atındaǵı Nókis mámleketlik pedagogikalıq institutında ruwxıy-aǵartıwshılıq ilajı ótkerildi.

Ilajda partiyanıń Qaraqalpaqstan Respublikalıq keńesiniń xızmetkerleri, Awǵanstan urısı qatnasıwshıları, institut jámááti qatnastı.

Atap ótilgenindey, milliy armiyamızdıń kúshi hám qúdireti joqarı dárejedegi áskeriy xızmetkerlerdiń, kewli keń xalqımızdıń birliginde artıp barmaqta. Bul haqıyqattı búgingi kúnde hár qashanǵıdan da jaqsı sezinemiz. Watanımızdıń qáwipsizligi, xalqımızdıń tınıshlıǵı Qurallı Kúshlerimiz tárepinen támiyinlenbekte. Milliy armiyada xızmet etiw puqaralarımız ushın tek ǵana ádiwli minnet bolıp qalmastan, sonıń menen birge úlken maqtanıshqa da aylanbaqta.

Ushırasıwda bir qatar Awǵanstan urısınıń qatnasıwshılarına partiya tárepinen minnetdarshılıq xatlar hám estelik sawǵaları tapsırıldı.

Qaraqalpaqstan xabar agentligi.