Usı jıldıń 19-yanvar kúni Ájiniyaz atındaǵı Nókis mámleketlik pedagogikalıq institutında studentlerdiń qısqı dem alıs waqıtların mazmunlı ótkeriw maqsetinde Qaraqalpaqstan Respublikasındaǵı barlıq joqarı oqıw orınlarınıń student-jasları arasında onlayn tárizde sporttıń shaxmat túri boyınsha institut birinshiligi bolıp ótti.

Jarısqa Qaraqalpaq mámleketlik universiteti, Nókis mámleketlik pedagogikalıq institutı, Qaraqalpaqstan awıl xojalıǵı hám agrotexnologiyalar institutı, Ózbekstan dene tárbiya hám sport universiteti Nókis filialınan ulıwma 48 student qatnastı.

Erkekler hám qızlar arasında óz aldına ótkerilgen jarıs juwmaǵında, erler arasında:

1-orın – A.Áwezimbetov (QMU studenti);
2-orın – M.Turaev (ÓzDTSU Nókis filialı studenti);
3-orın – A.Rahimov (ÓzDTSU Nókis filialı studenti).

Qızlar arasında:

1-orın – K.Qadambaeva (NMPI studenti);
2-orın – M.Orazmuhammedova (NMPI studenti);
3-orın – H.Jaqsılıqova (NMPI studenti)larǵa nesip etti.

Jarıs jeńimpazları hám sıylı orın iyeleri dástúriy oqıw baslanǵannan soń saltanatlı túrde sıylıqlanadı.