Normativlik-huqıqıy hújjetlerdiń joybarların dodalaw portalında Joqarı hám orta arnawlı bilimlendiriw ministrligi tárepinen islep shıǵılǵan Ózbekstan Respublikası Prezidentiniń «Joqarı, orta arnawlı hám professional bilimlendiriw mákemelerinde tálim alıwshılardıń hár jılǵı qısqı demalısı haqqında»ǵı pármanınıń joybarı dodalawǵa qoyıldı.

Párman joybarında atap ótiliwinshe, Ózbekstan Respublikası professional bilimlendiriw mákemeleriniń oqıwshıları hám joqarı oqıw orınları studentleriniń hár jılǵı qısqı demalısın dekabr ayınıń aqırǵı on kúnligi hám yanvar ayınıń birinshi on kúnligi aralıǵında etip belgilew usınıs etilmekte.

Bunda bilimlendiriw tarawındaǵı mámleketlik basqarıw uyımları sharayatlardan kelip shıǵıp oqıwshı hám studentlerge demalıs beriw múddetin ózgertiw huqıqına iye ekenligi qosımsha etilgen.

Párman joybarında qısqı demalıs baslanıwınan 10 kún aldın biletlerdiń tolıq bahasınan 50 procentlik shegirme tólemi tiykarında respublika ishinde háreketlenetuǵın tez júrer jáne jolawshı (joqarı tezlikte háreketlenetuǵın poezdlar hám barlıq jolawshı poezdlarınıń SV, VIP vagonları buǵan kirmeydi) poezdlarına, sonday-aq, jergilikli aviareyslerge biletler satılıwı jolǵa qoyılatuǵınlıǵı atap ótilgen.

Sonıń menen birge, oqıwshı hám studentlerdiń jónelisli qalalar aralıq avtobus qatnawı arqalı háreketleniwi ushın da jeńillikli biletler shıǵarıw mexanizmi engiziledi.

Siz tómendegi kórsetilgen silteme arqalı usı párman joybarı boyınsha óz pikir hám usınıslarıńızdı jollawıńızǵa boladı.

Silteme: https://regulation.gov.uz/uz/d/56581

Islam Matekov,
NMPI baspasóz xatkeri.