Ájiniyaz atındaǵı Nókis mámleketlik pedagogikalıq institutında Koreya xalıqaralıq birge islesiw agentligi – «KOICA»nıń Ózbekstan Respublikasındaǵı baǵdarlaması menedjeri Pak Chan Suk hám aǵa menedjeri Abrorjon Odilov penen ushırasıw bolıp ótti.

Instituttıń oqıw isleri boyınsha prorektorı Mırzamurat Jumamuratov, xalıqaralıq birge islesiw bólimi baslıǵı Alımjan Bimbetov hám koreys tili oqıtıwshısı Marina Kogaylardıń qabıllawında bolǵan miymanlar «KOICA»nıń volontyorlar baǵdarlaması sheńberinde koreys tilin nátiyjeli úyretiw máselelerin dodaladı.

Ushırasıwda institutta Koreya Respublikasınıń «KOICA» agentligi volontyorı Chyo Djon Xo hám volontyor Abadan Esnazarovalar tárepinen koreys tilin úyretiw jolǵa qoyılıwı boyınsha kelisimge erisildi.

Sonday-aq, aldaǵı waqıtlarda Nókis mámleketlik pedagogikalıq institutınıń shet tilleri fakultetinde oqıp atırǵan hám koreys tilin úyreniwdi qáleytuǵın studentlerge dástúriy tárizde sabaqlar ótiw boyınsha ámelge asırılatuǵın jumıslar belgilep alındı.

Ushırasıwdan soń «KOICA» wákilleri instituttıń 6-sanlı oqıw imaratında shólkemlestirilgen «Koreya múyeshi» menen tanıstı.

NMPI baspasóz xızmeti.