ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

Ministr Abduqodir Toshqulov NMPIdiń jańadan qurılıp atırǵan oqıw imaratı hám paydalanıwǵa tapsırılǵan studentler turaq jayında boldı

Ózbekstan Respublikası Joqarı hám orta arnawlı bilimlendiriw ministri Abduqodir Toshqulov búgin, 23-fevral kúni Ájiniyaz atındaǵı Nókis mámleketlik pedagogikalıq institutınıń jańadan qurılıp atırǵan 2000 orınlıq oqıw imaratınıń qurılıs jumısları menen tanıstı.

Bul jerde alıp barılıp atırǵan qurılıs jumıslarınıń barısı, onı tez kúnlerde sapalı etip pitkeriw boyınsha tiyisli tapsırmalar berdi.

Sonday-aq, instituttıń dene mádeniyatı hám shet tilleri fakultetleri jaylasqan oqıw imaratında alıp barılıp atırǵan rekonstrukciya jumısların kózden ótkerdi. Rekonstrukciya jumıslarındaǵı ayırım kemshilikler sınǵa alınıp, tez arada saplastırıw boyınsha kórsetpeler berdi.

Bunnan soń ministr instituttıń jaqında rekonstrukciyadan shıǵarılıp, paydalanıwǵa tapsırılǵan 600 orınlıq studentler turaq jayında bolıp, bul jerde studentlerdiń jasawı, qosımsha bilim alıwı, dógereklerge qatnawı, bos waqıtların mazmunlı ótkeriwi ushın jaratılǵan sharayatlar menen tanıstı.

NMPI baspasóz xızmeti.