ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

Jańa sport inventarları paydalanıwǵa tapsırıldı

Ájiniyaz atındaǵı Nókis mámleketlik pedagogikalıq institutında studentlerdiń dene tárbiyası páninde paydalanıwı hám sport penen turaqlı shuǵıllanıwı ushın sharayatlar jaratıw maqsetinde ulıwma 53 túrdegi sport inventarları paydalanıwǵa tapsırıldı.

Institut rektorı B.Otemuratov instituttıń barlıq dene tárbiyası páni oqıtıwshıları menen sáwbetlesip, student-jaslar arasında salamat turmıs tárizin keń túrde úgit-násiyatlaw, sport penen turaqlı túrde shuǵıllanıp, densawlıǵın bekkemlewi ushın islenip atırǵan bunday jumıslar aldaǵı waqıtlarda da dawam etetuǵınlıǵın, barlıq túrdegi sport quralları, inventarları menen támiyinlew ushın professor-oqıtıwshılar, kafedra baslıqlarınan pikir hám usınıslar alınıp, ámeliy jumıslar alıp barılatuǵınlıǵın qosımsha etti.

Kafedra baslıqları hám professor-oqıtıwshılar jańadan alıp kelingen sport inventarların fakultetler kóleminde bólistiriw jumısların baslap jiberdi.

Maǵlıwmat ornında atap ótiw orınlı, jańadan alıp kelingen sport quralları hám inventarları ushın instituttıń óz qarjıları esabınan 65 million sumnan aslam qarjı ajıratıldı.

Bunnan soń rektor B.Otemuratov instituttıń sport bazasında milliy gúres boyınsha ótkeriletuǵın sport jarıslarına tayarlanıp atırǵan studentler menen ushırasıp, bul jerdegi sharayatlardı kózden ótkerdi.

NMPI baspasóz xızmeti.