Ájiniyaz atındaǵı Nókis mámleketlik pedagogikalıq institutında sońǵı jıllar dawamında materiallıq-texnikalıq bazanı jetilistiriw, tarawǵa zamanagóy informaciyalıq texnologiyalardı keń engiziw maqsetinde bir qatar unamlı jumıslar ámelge asırılmaqta.

Usınday iygilikli baslamalar tiykarında institutqa android hám Windows operacion sistemalarında jumıs isleytuǵın 5 dana zamanagóy smart kompyuter alıp kelindi.

Olar fizika-matematika fakulteti, málimleme-resurs orayı, kishi májilisler zalı, smart oqıw xanası hám magistratura bólimine paydalanıwǵa tapsırıldı.

Maǵlıwmat ornında atap ótiw kerek, zamanagóy smart kompyuterlerdi satıp alıw ushın instituttıń óz qarjıları esabınan 256 million sumnan aslam qarjı ajıratıldı.

Usı orında qosımsha etiw orınlı, institutta jaslardı kitapqumarlıqqa, sonday-aq, kórkem óner hám muzıkaǵa baǵdarlaw, qábiletlerin júzege shıǵarıw, talantlı jaslardı hár tárepleme qollap-quwatlaw ushın eń bahalı kórkem-ádebiy shıǵarmalar jáne zamanagóy, klassikalıq hám milliy muzıka ásbapların institutqa alıp keliw boyınsha da ámeliy jumıslar alıp barılmaqta.

Bul haqqında tolıq maǵlıwmatlar beriledi.

NMPI baspasóz xızmeti.