Ájiniyaz atındaǵı Nókis mámleketlik pedagogikalıq institutınıń Sırtqı bólim professor-oqıtıwshıları arasında korrupciyaǵa qarsı gúresiw máselesine baǵıshlanǵan ushırasıw bolıp ótti.

Ushırasıwdı Korrupciyaǵa qarsı gúresiw “Komplaens qadaǵalaw” sistemasın basqarıw bólimi baslıǵı P.Xojabekov alıp bardı.

Ushırasıwda bayanatı menen Qaraqalpaqstan Respublikası prokurorınıń aǵa járdemshisi A.Ergunusov sózge shıǵıp, mámleketimizde korrupciyaǵa qarsı gúresiw máselesine úlken dıqqat awdarılıp atırǵanın, bárshe tarawlarda korrupciogen faktorlarǵa shek qoyıwǵa qaratılǵan keń kólemli reformalar ámelde óz nátiyjelerin kórsetip atırǵanın aytıp ótti.

Instituttıń Sırtqı bólimi Social-gumanitar pánlerdi aralıqtan oqıtıw kafedrasında ámelge asırılıp atırǵan korrupciyaǵa qarsı gúresiw boyınsha is-ilajlar haqqında usı kafedranıń baslıǵı, docent G.Kdırbaeva bayanat etti. Dodalanıp atırǵan máseleler boyınsha kafedranıń assistent-oqıtıwshısı O.Eshimbetov óz pikirlerin bildirip ótti.

Prokuratura wákili A.Ergunusov hám bólim baslıǵı P.Xojabekov ilaj qatnasıshıwların qızıqtırǵan bir neshe sorawlarǵa juwap berdi. Soń P.Xojabekov juwmaqlaw sózinde bólimniń alıp barıp atırǵan islerine toqtalıp, jaqın arada professor-oqıtıwshılar hám institut xizmetkerleri arasında ótkeriletuǵın sorawnamaǵa ózleriniń usınısların jiberip jámiyetshilikti korrupciyaǵa qarsı gúresiwde belsene qatnasıwǵa shaqırdı.