ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

«Intellektual háptelik» sheńberinde ilim pidayıları menen seminar shólkemlestirildi

Fizika-matematika fakultetindegi «Intellektual háptelik» sheńberinde fakultette miynet etip atırǵan ilimpaz hayal-qızlardıń ilim jolındaǵı jetiskenlikleri menen jas professor-oqıtıwshılar hám studentlerge tanıstırıw maqsetinde «ILIM JOLÍNDA» atamasındaǵı seminar-trening shólkemlestirildi.

Ilim tarawında joqarı jetiskenliklerge erisken ádiwli ustazlar J.Akimova, S.Ashirbekova, G.Karlıbaeva, G. Kaypnazarova, M.Allambergenova, Z.Ilyasova, T.Kalekeeva, A.Janabergenova, A.Palvanovalar seminar-trening miymanları boldı.

Seminar dawamında fizikanı oqıtıw metodikası kafedrasınıń professorı, pedagogika pánleri doktorı G.Karlıbaeva óz bayanatında jaslarǵa ilimiy tezis, maqalanı qalay jazıw, fakultettegi ilimiy mektep, ámeliy proektlerdi jaratıw hám onı ámelge asırıw jolları haqqında aytıp ótti.
Sonday-aq, sózge shıqqan ilimpaz oqıtıwshılar Z.Ilyasova, T.Qalekeeva, A.Palvanova hám basqalar ózleriniń ilim jolındaǵı erisken jetiskenlikleri menen ortaqlastı.

Studentler ózlerin qızıqtırǵan sorawlarǵa ilimpazlardan juwaplar aldı.