ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

XABARLANDÍRÍW XATÍ

ÓZBEKSTAN RESPUBLIKASÍ JOQARÍ HÁM ORTA ARNAWLÍ BILIMLENDIRIW MINISTRLIGI

ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

Ózbekstan Respublikası Ministrler Kabinetiniń 2022-jıl 7-mart kúngi «Ózbekstan  Respublikasında 2022-jılı xalıqaralıq hám respublikalıq kóleminde ótkeriletuǵın ilimiy hám ilimiy-texnikalıq konferenciya jobası haqqında»ǵı 101-F-sanlı biyligi tiykarında Ájiniyaz atındaǵı Nókis mámleketlik pedagogikalıq institutı Tariyx fakulteti Geografiya oqıtıw metodikası kafedrası tárepinen 2022-jıl 2728-aprel kúnleri «Geografiya páni hám onı oqıtıwdıń aktual máseleleri» atamasında Respublikalıq ilimiy-teoriyalıq konferenciya ótkeriledi.

Konferenciyada tómendegi baǵdarlar boyınsha sekciyalar jumıs alıp baradı:

1-sekciya. Tábiyiy geografiya hám geoekologiya máseleleri;

2-sekciya. Ekonomikalıq-sociallıq geografiya hám demografiyanıń aktual mashqalaları;

3-sekciya. Geografiya tálimi hám onı oqıtıwda innovaciyalıq texnologiyalardan paydalanıw usılları;

4-sekciya. Tábiyiy hám gumanitar pánlerdi oqıtıwda innovaciyalıq texnologiyalar.

Konferenciyanıń isshi tilleri: ózbek, rus, qaraqalpaq, inglis

Konferenciyada qatnasıw formaları: sırttan qatnasıw, stendli doklad hám awızsha doklad

Qatnasıw shártleri: konferenciyada ilim-izertlew, bilimlendiriw mákemeleri basshıları hám xızmetkerleri, doktorantlar, stajyor-izertlewshiler, erkin izleniwshiler, magistrantlar hám student jaslar qatnasıwı múmkin.

Konferenciyanıń shólkemlestiriw komiteti tárepinen konferenciyaǵa jiberilgen materiallardı baspadan shıǵarıw názerde tutılǵan. Konferenciyanıń baspadan shıǵarılǵan toplamı awızsha dokladı menen qatnasqan qatnasıwshılarǵa beriledi. Konferenciyada sırttan yamasa stendli doklad penen qatnasqan qatnasıwshılarǵa materiallar toplamınıń *.pdf variantı hám elektron sertifikat jetkerip beriledi.

Konferenciyaǵa jiberiletuǵın materiallardı rásmiylestiriw talapları:

1. Materiallar kólemi 3-5 bet kóleminde bolıwı kerek.

2. Tekst A4 formattaǵı aq qaǵazǵa, barlıq tárepleri 2,5 sm shegaralar qaldırıp, jaylastırıladı hámde elektron formada tapsırıladı. Doklad materialları nomerlenbeydi hám Microsoft Word redaktorında Times New Roman shriftte 14 ólshemde (interval 1) *rtf, *doc formatta rásmiylestiriledi. Fayl atı latın jazıwında birinshi avtor familiyası menen qoyılıwı shárt (Allanov.rtf,doc).

3. Tezis ataması bas (úlken) háripler menen, keyingi qatarǵa ótkerilmesten, ortada jazıladı. Keyin kishi háripler menen avtor(lar)dıń familiyası, atı, ákesiniń atı kórsetiledi. Doklad avtorınıń atı, ákesiniń atı hám familiyasınıń astına sızıladı. Familiyalar astında jumıs ornı, lawazımı, qala, mámleket keltiriledi. Onnan keyin 1,25 abzacǵa itibar berip tekst jaylastırıladı. Tekstte diagramma, gistogramma, foto súwretler, kesteler beriliwi múmkin. Diagramma, gistogramma, foto súwretlerdiń barlıǵı tekstte súwret formasında izbe-izlikti inabatqa alǵan túrinde keltiriledi. Súwretler teksti obyekttiń astına oraylastırıp, kesteler teksti bolsa, obyekttiń joqarı tárepinen rásmiylestirilip beriledi.

4. Tekstte ádebiyatlarǵa siltemeler (ссылки) tik qawsırmada silteme alınǵan derek tártip sanı hám ilimiy miynettiń beti kórsetilgen [1, 93] túrinde beriledi.

5. Material sońında bir qatar bos orın qaldırılıp “Paydalanılǵan ádebiyatlar” dizimi tártip sanı menen álipbe tártibinde kirgiziledi.

Bayan etilgen maǵlıwmatlardıń ilimiy-teoriyalıq tiykarlanǵanlıǵı, fakt hám maǵlıwmatlardıń anıqlıǵına avtor(lar) juwapker esaplanadı.

Materiallardı shólkemlestiriw komitetine jiberiw múddeti hám toplamǵa kirgiziw tólemleri:

Toplamǵa kirgiziletuǵın materiallardıń bir beti ushın 15.000 (on bes mıń) swm tólenedi.

Konferenciya materiallarınıń óz waqtında baspadan shıǵarılıwın támiyinlew maqsetinde Sizden materiallardı 2022-jıldıń 20-aprel kúninen keshiktirmesten jiberiwińizdi soraymız.

Talaplarǵa juwap bermeytuǵın hám belgilengen múddetten keshigip jiberilgen (túsken) materiallar toplamǵa kirgizilmeydi.

Konferenciya materialları uzaqbaev.qoblan@mail.ru elektron pochta hám +99893 614-29-76 Uzaqbaev Qoblan Telegram, WhatsApp mánzillerinde qabıl etiledi.   

Mánzil: 230105, Qaraqalpaqstan Respublikası, Nókis qalası, P.Seytov kóshesi, nomersiz jay. Tel.: +(99861) 229-40-75, Faks: +(99861) 229-40-75, NMPI. E-mail:  nkspi_info@edu.uz

ÚLGI

ILIMIY TEZIS ATAMASÍ …. ILIMIY TEZIS ATAMASÍ

Avtor(lar)dın familiyası, atı, ákesiniń atı

Shólkem (mákeme) atı, lawazımı, qala hám mámleket ataması

Tekst. Tekst. Tekst. Tekst. Tekst. Tekst. Tekst. Tekst. Tekst. Tekst. Tekst. Tekst. Tekst. Tekst. Tekst. Tekst. Tekst. Tekst. Tekst. Tekst. Tekst. [1, 93].

Paydalanılǵan ádebiyatlar

1. Tekst. Tekst. Tekst.

2. Tekst. Tekst. Tekst.

 KONFERENCIYA QATNASÍWSHÍSÍNÍŃ ANKETASÍ

F.A.Á.:

 

Sekciya:

 

Tezis ataması:

 

Jumıs ornı hám mánzili:

 

Lawazımı:

 

Ilimiy dáreje hám ataǵı:

 

Telefon nomeri:

 

e-mail: