15-aprel kúni Ájiniyaz atındaǵı Nókis mámleketlik pedagogikalıq institutı hám kásiplik awqamı komiteti arasında 2021-2023-jıllarǵa dúzilgen jámáátlik shártnaması bántleriniń 2021-jıldaǵı orınlanıwı boyınsha konferenciyası bolıp ótti.

Konferenciyanı instituttıń jaslar máseleleri hám ruwxıy-aǵartıwshılıq isleri boyınsha birinshi prorektorı Q.Qodirov ashıp berdi hám basqarıp bardı.

Ilajda jámáátlik shártnamanıń 2021-jıldaǵı orınlanıwı haqqında akti, rektorat tárepinen orınlanıwı, sonday-aq, institut kásiplik awqamı komiteti tárepinen shártnama bántlerin orınlaw boyınsha islegen jumısları haqqında esabı tıńlandı.

Atap ótilgenindey, jámáátlik shártnamada 15 bap bolıp, olardıń orınlanıwın monitoring etiw jumıslarınıń juwmaqları haqqında B.Arzieva tolıq maǵlıwmat berip ótti.

Sonday-aq, shártnama tiykarında institut rektoratı tárepinen xızmetkerlerdiń miynet sharayatların jaqsılaw, aylıq miynet haqısın óz waqtında beriw, miynetti qorǵaw hám texnikalıq qáwipsizlik máselelerin jolǵa qoyıw, studentlerdiń oqıw sharayatların jaqsılaw hám stipendiyaların beriw jumısları óz waqtında hám tolıq formada alıp barılǵan.

Atap aytqanda, 2021-jılı byudjet esabınan 37 milliard 429 million sumnan aslam smeta qárejetleri tastıyıqlanıp, sonıń 12 milliard 483 million sumı miynet haqı ushın, 10 milliard 180 million sumı stipendiya ushın qaratıldı.

Konferenciyada institut kásiplik awqamı komiteti baslıǵı K.Gúlimbetovtıń kásiplik awqamı komiteti tárepinen shártnama bántlerin orınlaw boyınsha islegen jumısları haqqında esabı tıńlandı.

Jámáátlik shártnama arqalı xızmetkerlerge qosımsha xoshametlew pulları, materiallıq járdem berip barıldı. Atap aytqanda, kásiplik awqamı komiteti tárepinen 2021-jılı 182 xızmetkerge 50 million 480 mıń sumlıq materiallıq járdem berildi. Sonday-aq, yubiley sáneleri múnásibeti menen jıl dawamında 8 xızmetkerge 3 million 278 mıń sumlıq bahalı sawǵa (gilem) tapsırıldı. Kásiplik awqamı komiteti óz is jobasınan basqa institut rektoratı tárepinen islep shıǵılǵan is jobaları tiykarında da jumıslar alıp bardı.

Institut professor-oqıtıwshılar hám texnik xızmetkerleri, olardıń ata-analarına kásiplik awqam qarjıları esabınan 28 jollama alınıp, sonnan shańaraq aǵzaları ushın 11 dana (28 mln 072 mıń sumǵa) jollamalar alınıp qalǵan 17 danası (43 mln 999 mıń sumǵa) professor-oqıtıwshılar hám texnik xızmetkerler sawalandırıldı.

Sociallıq qamsızlandırıw esabınan jıl dawamında 13 dana (32 mln 422 mıń sumǵa) jollamalar alınıp,13 professor-oqıtıwshılar hám texnik xızmetkerler sawalandırıldı, jollamalardıń tiykarınan 45% in tólew jolı menen qalǵan 55% i kásiplik awqamı esabınan tólep berildi.

Ǵárezsizligimizdiń 30 jıllıǵı múnásibeti menen institut xızmetkerleriniń mektep jasındaǵı 70 perzentleriniń hár birine 100 mıń sumlıq – jámi 7 mln sumǵa oqıw quralları berildi.

Ótken jılı sawallandırıw boyınsha ilajlar ámelge asırılıp, Moynaq rayonı «Aq keme» balalar sawallandırıw lagerinde 15 bala sawallandırılǵan bolsa, sanatoriylarda sociallıq qamsızlandırıw byudjeti esabınan 13 xızmetker – jámi 32 million 422 mıń sumlıq jollama menen (xızmetkerler 45% tólemi, 14 million 589 mıń 900 sumın tóledi) 10% kásiplik awqamı komiteti sawallandırıw fondı esabınan 28 xızmetker jámi 72 million 071 mıń sumlıq jollama menen (45% tólemi xızmetkerler tárepinen, 32 million 431 mıń 950 sumın tóledi) sawallandırıldı.

Xızmetkerler hám studentlerdiń sport túrleri boyınsha jeńimpazların xoshametlew ushın kásiplik awqam komiteti tárepinen 20 million 240 mıń 500 sum qarjı ajıratıldı.

Institutta huqıqıy qorǵaw boyınsha jumısların talap dárejesinde alıp barıw institut kásiplik awqam komitetiniń bas wazıypalarınıń biri esaplanadı.

Institut kásiplik awqam komiteti hár jılı taraw xızmetkerleri hám studentleriniń sociallıq-ekonomikalıq máplerin, huqıqların qorǵaw boyınsha birqatar islerdi ámelge asırdı.

Konferenciyada professorlar Q.Qochanov hám K.Allambergenovlar sózge shıǵıp, jámáátlik shártnamanıń orınlanıwı boyınsha pikirlerin bildirip, aldaǵı islenetuǵın jumıslar boyınsha usınıslar berdi.

Ilaj sońında kásiplik awqamı komiteti menen birge islesiwde úlgi kórsetip kiyatırǵan bir topar belsendilerge sawǵalar tapsırıldı.

NMPI baspasóz xızmeti.