Búgin, 18-aprel kúni Ájiniyaz atındaǵı Nókis mámleketlik pedagogikalıq institutınıń májilisler zalında magistratura basqıshında oqıp atırǵan magistrantlar menen ushırasıw keshesi bolıp ótti.

Ilajdı instituttıń jaslar máseleleri hám ruwxıy-aǵartıwshılıq isleri boyınsha birinshi prorektorı Q.Qodirov basqarıp bardı.

Ushırasıwda magistrantlardıń oqıwı, ilimiy-izertlew jumısları menen shuǵıllanıwı ushın zárúr sharayatlar jaratıw, bul baǵdarda ámelge asırılıp atırǵan jumıslar menen birge, házirgi waqıtta rawajlanıwdıń tamırına balta urıp kiyatırǵan korrupciya, jaslar arasında jınayatshılıq hám huqıqbuzarlıqlardıń aldın alıw, onlayn qumar oyınları, sonday-aq, terrorizm, ekstremizm sıyaqlı illetlerge birgelikte qarsı gúresiw – ulıwma jaslardıń ruwxıy tárbiyası menen baylanıslı bolǵan máseleler boyınsha sóz boldı.

Ilajda usı baǵdarda alıp barılatuǵın jumıslardıń nátiyjeliligin arttırıw maqsetinde magistrantlar arasında belsendi jaslardan ibarat bolǵan mobil toparlar shólkemlestiriw, olar jaslar arasında júz berip atırǵan mashqalalardı óz waqtında anıqlaw, olarǵa birgelikte sheshim tabıw, bilimlendiriwdiń sapasın arttırıw boyınsha magistrantlardıń pikir-usınısların úyreniw sıyaqlı wazıypalardı atqaratuǵını málim etildi.

Sonıń menen birge, ushırasıwda usı maqsetlerge erisiw maqsetinde ámelge asırılatuǵın jumıslar hám wazıypalar belgilep alındı.

NMPI baspasóz xızmeti.