Qaraqalpaqstan Respublikası Korrupciyaǵa qarsı gúresiw aymaqlıq keńesiniń 2022-jıl 1-yarım jıllıq is-rejesiniń 4-, 8-bántlerinde belgilengen ilajlardı ámelge asırıw maqsetinde Ájiniyaz atındaǵı Nókis mámleketlik pedagogikalıq institutı akademiyalıq liceyiniń oqıtıwshıları qatnasıwında, sonday-aq, instituttıń sırtqı bólimi anıq hám tábiyǵıy pánlerdi aralıqtan oqıtıw kafedrasında «Korrupciyasız keleshek» atamasında dóńgelek stol sáwbetleri shólkemlestirildi.

Qızǵın pikir almasıwlar jaǵdayında bolıp ótken ilajlarda instituttıń Korrupciyaǵa qarsı gúresiw «Komplaens qadaǵalaw» sistemasın basqarıw bólimi baslıǵı P.Xojabekov qatnasıwshılardıń qızıqtırǵan sorawlarına juwap berip, korrupciyanıń unamsız aqıbetlerine qarsı gúresiwde jámiyetshiliktiń ornı haqqında keńnen toqtap ótti.