Ózbekstan Respublikası bilimlendiriw mákemelerine oqıwǵa qabıllaw boyınsha Mámleketlik komissiyasınıń 13-sanlı protokolı tiykarında 2022-2023-oqıw jılı ushın respublikalıq joqarı oqıw orınlarınıń bakalavriat tálim baǵdarlarına sáykes test sınaǵı tapsırılatuǵın pánler kompleksi, test sorawlarınıń sanı hám bahalaw kriteriyaları tastıyıqlandı. Bul haqqında Mámleketlik test orayı xabar berdi.

Málim bolıwınsha, barlıq test tapsıratuǵınlar ushın májbúriy bolǵan 3 pán boyınsha:

Ana tili (ózbek, rus yamasa qaraqalpaq tili) – 10 soraw;
Hár biri ushın 1,1 balldan;
Maksimal ball – 11 ball.

Matematika – 10 soraw;
Hár biri ushın 1,1 balldan;
Maksimal ball – 11 ball.

Ózbekstan tariyxı – 10 soraw;
Hár biri ushın 1,1 balldan;
Maksimal ball – 11 ball.

Jámi toplaw múmkin bolǵan ball – 33 ball.

Bakalavriat tálim baǵdarına sáykes bolǵan 2 pán boyınsha:

Birinshi pán – 30 soraw;
Hár biri ushın 3,1 balldan;
Maksimal ball – 93 ball.

Ekinshi pán – 30 soraw;
Hár biri ushın 2,1 balldan;
Maksimal ball – 63 ball.

Jámi toplaw múmkin bolǵan ball – 156 ball.

Ulıwmalıq tárizde 2022-2023-oqıw jılı qabıllawında abiturientlerge 5 pán boyınsha jámi 90 test sorawı beriledi. Bunda toplaw múmkin bolǵan maksimal ball – 189 balldı quraydı.

Test sınaǵı tapsırılatuǵın pánler kompleksi, test sorawlarınıń sanı hám bahalaw kriteriyaları menen tómendegi siltemede kórsetilgen fayldı júklep alıw arqalı tanısıwıńız múmkin.

SILTEME