ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

Qabul 2024

Qaraqalpaq prozasınıń kárwanbasshısı

Ózbekstan Qaharmanı, Ózbekstan hám Qaraqalpaqstan xalıq jazıwshısı Tólepbergen Qayıpbergenov 1929-jıl 7-mayda Kegeyli rayonında (házirgi Nókis rayonınıń aymaǵında) tuwılǵan.

«Sekretar», «Muǵallimge raxmet», «Sońǵı hújim», «Suwıq tamshı», «Qaraqalpaq qızı», «Mamanbiy ápsanası», «Baxıtsızlar», «Túsiniksizler» («Qaraqalpaq dástanı» trilogiyası), «Qaraqalpaqnama», «O dúnyadaǵı atama xatlar» hám basqa da kóplegen gúrriń, povest hám romanları basıp shıǵarılǵan.

Jazıwshınıń derlik bárshe shıǵarmaları ózbek hám jáhánniń bir qatar tillerine awdarıldı.

Ataqlı jazıwshınıń atın máńgilestiriw boyınsha bir qatar jumıslar ámelge asırıldı. Atap aytqanda, Nókis qalasındaǵı úlken kóshelerden biri Tólepbergen Qayıpbergenov atı menen ataladı. Tashkenttegi Jazıwshılar baǵında onıń sawlatlı esteligi ornatılǵan. Jazıwshı burınǵı Awqam mámleketlik sıylıǵı, M.Qashǵariy, M.Sholoxov xalıqaralıq sıylıqlarınıń iyesi.

«Ijod» jámiyetlik qorı tárepinen qaraqalpaq prozası kárwanbasshısınıń tańlamalı shıǵarmaları basıp shıǵarıldı. Sonday-aq, «Qaraqalpaq dástanı» trilogiyası hám povestler toplamı qaraqalpaq tilinde qayta jarıq kórdi.