Ájiniyaz atındaǵı Nókis mámleketlik pedagogikalıq institutı Túrkiy tiller fakulteti qaraqalpaq ádebiyatı kafedrasınıń shólkemlestiriwinde «Túrkiy xalıqları folklorı hám ádebiyatı tariyxı izertleniwiniń áhmiyetli máseleleri» atamasındaǵı onlayn xalıqaralıq ilimiy-teoriyalıq konferenciya bolıp ótti.

Konferenciyanıń ashılıw plenarlıq májilisin instituttıń ilimiy isler hám innovaciyalar boyınsha prorektorı M.Jalelov ashıp berdi.

Ilajǵa Rossiya Federaciyası, Ázerbayjan, Qazaqstan, Ózbekstandaǵı belgili joqarı oqıw orınları, ilimiy-izertlew oraylarınan ilimpaz-professorlar, doktorantlar, erkin izleniwshiler, magistrant hám studentler qatnastı.

Konferenciyanıń ashılıw plenarlıq májilisinde instituttıń qaraqalpaq ádebiyatı kafedrasınıń baslıǵı, filologiya ilimleriniń doktorı, professor K.Allambergenov «T.Qayıpbergenov prozasınıń janrlıq ózgeshelikleri», Qazan federal universiteti filologiya hám mádeniyatlar aralıq kommunikaciyalar institutı professorı F.Sayfulina «Актуальные проблемы татарского общества начала ХХ века в публицистике Ибрагима Биккулова», Baku slavyan universiteti professorı N.Mamedov «Поэтесса с многострадальной судьбой (Штрихи творческого своеобразия и жизни Хуршидбану Натаван)», L.N.Gumilyov atındaǵı Evraziya Milliy universiteti professorı R.Turısbek «Ádebiy baylanıs jáne ádebiy-ruwxanıy sabaqtastıq: mura men muratanıw (qazaq-qaraqalpaq xalıqtarınıń ádebiy-mádeniy baylanısı: talayǵı tariyxı men damu úrdisteri)» hám basqalar óz bayanatları menen qatnastı.

Konferenciya óz jumısın «Ádebiyattanıw», «Folklortanıw», «Til bilimi», «Metodika» sıyaqlı sekciyalardaǵı bayanatlar, pikir alısıwlar menen dawam ettirdi.

NMPI baspasóz xızmeti.