ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

Institutta islep atırǵan tex-xızmetkerlerdiń perzentleri hám aqlıqları ushın bayram sawǵaları tapsırıldı

1-iyun – Xalıqaralıq balalardı qorǵaw kúni múnásibeti menen Ájiniyaz atındaǵı Nókis mámleketlik pedagogikalıq institutı rektoratı hám kásiplik awqamı komiteti tárepinen institutta miynet etip atırǵan texnikalıq taraw xızmetkerleriniń perzentleri hám aqlıqları ushın bayram sawǵaları tapsırıldı.

Ilajǵa institut rektorı B.Otemuratov, prorektorlar, kásiplik awqamı komiteti wákilleri qatnasıp, barlıq xızmetkerlerdi búgingi bayram menen qutlıqlap, hár biriniń shańaraǵına amanlıq, bekkem densawlıq, jumıslarına tabıslar tiledi.

Óz gezeginde, institut tex-xızmetkerleri de bunday itibar hám ǵamqorlıqlar ushın institut rektoratı, kásiplik awqamı komiteti hám barlıq shólkemlestiriwshilerge tereń minnetdarshılıq bildirdi.

NMPI baspasóz xızmeti.