ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

Qabul 2024

Xosh xabar! NMPI qızlar komandası regbi boyınsha «Studentler ligası» jarısınıń respublikalıq basqıshında 2-orındı iyeledi

Tashkent qalasında Ózbekstan Milliy universiteti stadionında Ózbekstan Respublikası studentler sport associaciyası tárepinen sporttıń regbi-7 túri boyınsha joqarı oqıw orınları studentleri arasında «Studentler ligası» jarısınıń respublikalıq basqıshı ótkerildi.

Jarısqa Ózbekstannıń barlıq aymaqlarınan komandalar qatnastı.

Itibarlısı, usı jarıstıń ótken jılǵı jeńimpazı, ámeldegi chempion Qaraqalpaqstan Respublikasınan qatnasqan Ájiniyaz atındaǵı Nókis mámleketlik pedagogikalıq institutınıń qızlar saylandı komandası finalǵa shekem barlıq qarsılas komandalardı jeńip shıǵıp, ózleriniń kúshli tayarlıqqa iye ekenligin kórsetti.

Finalda ázeliy qarsılası bolǵan Ózbekstan mámleketlik denetárbiyası hám sport universiteti komandası menen túsken NMPI komandası aǵzaları qosımsha bólimdegi upay esabınan jizzaqlı sportshılarǵa imkaniyattı berip qoydı.

Solay etip, regbi boyınsha NMPI qızlar komandası «Studentler ligası» jarısınıń respublikalıq basqıshında sıylı 2-orındı iyeledi.

Búgin, 6-iyun kúni Nókis temir jol vokzalında sportshılar hám komanda aǵzaları saltanatlı túrde kútip alındı.

Institut jámááti, sportshılardıń aǵayin-tuwısqanları, jaqın dosları, keń jámiyetshilik hám ǵalaba xabar quralları wákilleri qatnasqan ilajda sózge shıqqanlar sportshılardıń qolǵa kirgizgen tabısları menen qutlıqlap, aldaǵı jarıslarda áwmet tiledi.

NMPI baspasóz xızmeti.