Ájiniyaz atındaǵı Nókis mámleketlik pedagogikalıq institutı 2022-2023-oqıw jılı ushın Ózbekstan Respublikası Prezidenti mámleketlik stipendiyası, ataqlı mámleketlik stipendiyalar hám institut kólemindegi Ájiniyaz Qosıbay ulı stipendiyasına tańlaw daǵazalaydı.

Ózbekstan Respublikası Prezidenti mámleketlik stipendiyası tańlawına barlıq bakalavriat tálim baǵdarlarınıń 4-kurs studentleri hám magistratura qánigelikleriniń 2-kurs magistrantları, Nawayı, Islam Kárimov, Tólepbergen Qayıpbergenov, Ibrayım Yusupov mámleketlik stipendiyaları tańlawına barlıq tálim baǵdarları boyınsha 3-4-kurs studentleri, institut kólemindegi Ájiniyaz Qosıbay ulı stipendiyası tańlawına barlıq tálim baǵdarları boyınsha 2-3-4-kurs studentleri qatnasıwına boladı.

Tańlawda qatnasıwdı qálewshi intalı studentlerge tómendegi talaplar qoyıladı:

— barlıq pánlerden ayrıqsha hám jaqsı (barlıq semestr nátiyjelerine muwapıq ózlestiriw kórsetkishi 85 procentten joqarı) bahaǵa ózlestirgen bolıwı;

— oqıp atırǵan bakalavriat tálim baǵdarı boyınsha belgili bir temada ilimiy-izertlew jumısı menen shuǵıllanıp, qollanba, ilimiy maqala, tezis hám tálim baǵdarına arnalǵan maqalaları baspadan shıǵarılǵan bolıwı, dóretiwshilik jumısları bolıwı;

— ótkerilgen tańlawlarda belsene qatnasqan, jetiskenlikleri bolıwı;

— bilimlendiriw tarawı boyınsha jámiyetlik jumıslardaǵı belsendiligi.

Tańlawda qatnasıwdı qálewshi intalı studentler ózleri oqıytuǵın fakultet dekanatına óz arzaları menen múrájat etiwi tiyis.

Talabanlardıń hújjetleri Ózbekstan Respublikası Ministrler Kabinetiniń 2021-jıl 4-noyabrdegi 674-sanlı qararı talapları boyınsha rásmiylestiriliwi kerek.

Fakultetlerdiń dekanatları dıqqatına!

Hújjetler 2022-jıldıń 1-iyul kúnine shekem Ziyrek studentlerdiń ilimiy-izertlew jumısların shólkemlestiriw bólimine tapsırılıwı tiyis.

Talabanlar tek fakultet dekanınıń usınısı tiykarında qabıl etiledi.

Baylanıs ushın telefon: +99891 394-46-46 Raxman Mambetnazarov