Kafedra baslıǵı:	b.i.f.d., PhD. doc Berdibaev Abat Sultamuratovich
	Tel.:	+99891 370 62 43
	e-mail:	a.berdibaev@ndpi.uz

Zoologiya, adam morfofiziologiyası hám onı oqıtıw metodikası kafedrası

     Elimiz ǵárezsizlikke eriskennen keyin Respublikada mektep muǵallimlerin tayarlawdı jetilistiriw maqsetinde 1990 – 1991 – oqıw jılında Nókis mámleketlik pedagogikalıq institutınıń jumısı qayta janlandırıldı hám usı oqıw jılında Baslanǵısh tálim metodikası fakultetinde Tábiyat tanıw kafedrası shólkemlestirilip, onıń baslıǵı etip Q.Qaypbekov, (1991) hám B.Hábipovlar (1992) bekitilgen. Fakul`tettiń rawajlanıp keńeyiwi, bakalavriat baǵdarlarınıń ózgeriwi menen kafedra atamaları bir neshe mártebe bir – birine biriktirilip yaki bóleklenip Tábiyat tanıw (1991 – 1993), Zoologiya, Botanika, Adam anatomiyası hám fiziologiyası, Biologiya, Zoologiya, Botanika hám Biologiyanı oqıtıw metodikası (1993 – 2010) bolıp ózgerislerge ushıradı. Bul jılları kafedraǵa A.Utambetov, B.Allamuratov, Sh.Allamuratov, A.Matchanov, K.Seypullaev, S.Mambetullaeva, F.Otenova, R.Xalmuratovalar basshılıq etti. 2010 – 2012 – jıllar aralıǵında kafedra Zoologiya hám shıpakerlik tiykarları atamasına ózgertilip oǵan b.i.k. docent Sh.Allamuratov basshılıq etti. 2012 – 2016 – jıllar aralıǵında kafedra ataması Zoologiya kafedrası bolıp ózgertilip, oǵan b.i.k. Q.M.Atanazarov basshılıq etti. 2016 – 2017 – jıllar aralıǵında bolsa kafedra ataması Biologiya oqıtıw metodikası bolıp ózgertilip, oǵan b.i.k. docent M.Baltabaev basshılıq etti. 2017 – 2018 – jıllar aralıǵında Biologiya oqıtıw metodikası kafedrasına b.i.k. docent F.T.Otenova basshılıq etti. 2018 – 2019 – jılları kafedra ataması Zoologiya, adam morfofiziologiyası hám onı oqıtıw metodikasına ózgertirilip, oǵan b.i.k. docent Sh.Allamuratov basshılıq etti. 2019 – 2023 – jılları usı Zoologiya, adam morfofiziologiyası hám onı oqıtıw metodikası kafedrasına b.i.f.d., PhD docent U.Kudaybergenova basshılıq etken bolsa.

     2023 – jıl 9 – sentyabr sánesinen baslap Zoologiya, adam morfofiziologiyası hám onı oqıtıw metodikası kafedrasına b.i.f.d. PhD, docent A.S.Berdibaev basshılıq etip kelmekte.

     Búgingi kúnde Zoologiya, adam morfofiziologiyası hám onı oqıtıw metodikası kafedrasında 2 b.i.d. professor B.Allamuratov, A.Saparov, 1 b.i.k. docent J.Saparbaev, 2 b.i.f.d. PhD. docent A.Berdibaev, M.Tadjibaeva, 1 p.i.f.d. PhD. docent w.a. A.Turekeeva, 1 b.i.f.d. PhD B.Kalilaeva, 2 úlken oqıtıwshı E.Sultanov, L.Romanova, 6 assistent oqıtıwshı G.Otenova, G.Paluanova, J.Ubbiniyazova, A.Eshmuratov, A.Bektursinov F.Mamutova bakalavr baǵdarı studentleri hám magistrantlarǵa óz bilimlerin berip kelmekte. Kafedranıń ilimiy dárejeliligi 46,6%.

     Kafedrada 60510100 – Biologiya bakalavr tálim baǵdarı hám 70510105 – Anıq hám tabiyiy pánlerdi oqıtıw metodikası (biologiya) qánigeligi magistrantları zamanagóy pedagogikalıq texnologiyanıń jetilisken metodları tiykarında tereń bilimlerin alıp kelmekte.

     Ózbekstan Respublikası Prezidentiniń 2017 – jıl 20 – apreldegi PQ – 2909 – sanlıa qararınıń 2 – qosımshasında kórsetilgen 2017 – 2021 – jıllarda joqarı oqıw orınlarınıń materiallıq – texnikalıq bazasın bekkemlew hám modernizaciyalaw, olardı zamanagóy oqıw – ilimiy laboratoriyalar, zamanagóy axborot-kommunikaciya texnologiyaları quralları menen úskenelew belgilengen. Usı qarardıń orınlanıwın támiyinlew maqsetinde Ózbekstan Respublikası Joqarı bilimlendiriw, ilim hám innovaciyalar ministirlgi tárepinen «Islam rawajlanıw banki» járdeminde Ájiniyaz atındaǵı Nókis mámleketlik pedagogikalıq institutı Tábiyiy pánler fakulteti «Biologiya» bakalavr tálim baǵdarı studentleri hám magistrantlarınıń oqıw sapasın jaqsılaw maqsetinde 2021 – 2022 – oqıw jılında 70 atamadaǵı, jámi 449 423 585. 06 sum muǵdarındaǵı oqıw-laboratoriyalıq ásbap-úskeneler, 2022 – 2023 – oqıw jılında 1 atamadaǵı, jámi 1818.94 AQSh dolları muǵdarındaǵı oqıw – laboratoriyalıq úskeneler, 2023 – 2024 oqıw jılında 14 atamadaǵı, jámi 27.140.24 AQSh dolları muǵdarındaǵı oqıw – laboratoriyalıq ásbap – úskeneler 2024-2025 qıw jılında 5 atamadaǵı, jámi 122721000 sum muǵdarındaǵı oqıw-laboratoriyalıq ásbap-úskeneler  menen támiyinlendi.

Kafedrada «Jas zoolog» hám «Jas fizolog» ilimiy dógerekleri shólkemlestirilgen bolıp, bul dógereklerge studentlerdiń qızıǵıwshılıǵına qarap aǵzalıqqa tartıladı hám studentler menen reje tiykarında seminarlar shólkemlestirilip barıladı. Ilimiy dógereklerde tiykarınan biologiya baǵdarı studenleri aǵza bolıp, bul ziyrek studentlerge kafedradaǵı tájiriybeli professor – oqıtıwshıları basshılıq etip kelmekte.