Ájiniyaz atındaǵı Nókis mámleketlik pedagogikalıq institutında 26-iyun – Xalıqaralıq náshebentlikke qarsı gúresiw kúni múnásibeti menen «Sergek bolıń, óz ómirińizdi zayalamań!» atamasında ushırasıw bolıp ótti.

Ilajǵa Respublikalıq AIJSke qarsı gúresiw orayı shıpakeri V.Klicheva, QR Ishki isler ministrligi Jınayat-izlew basqarması baslıǵınıń orınbasarı, podpolkovnik N.Abdullaev, usı basqarmanıń aǵa operativ wákili, mayor J.Edenbaev, QR Mámleketlik qáwipsizlik xızmeti basqarmasınıń qánigesi S.Beshikov, fakultet dekanlarınıń jaslar máseleleri boyınsha orınbasarları, tyutorlar hám studentler qatnastı.

Ushırasıwdı instituttıń jaslar máseleleri hám ruwxıy-aǵartıwshılıq isleri boyınsha birinshi prorektorı Q.Qodirov basqarıp bardı.

Ilajda shıǵıp sóylewshiler tárepinen jámiyetimizde, ásirese, jaslar arasında náshebentliktiń aldın alıw, oǵan qarsı gúresiw baǵdarında alıp barılıp atırǵan jumıslar haqqında maǵlıwmatlar berildi. Sonday-aq, AIJStıń payda bolıw tariyxı, onıń unamsız aqıbetleri, sonıń menen birge, usı keselliktiń tarqalıw jolları, kesellik belgileri hám respublikamızda usı keselliktiń aldın alıw hám oǵan qarsı gúresiw jáne onı emlew boyınsha ámelge asırılıp atırǵan jumıslar haqqında tolıq maǵlıwmat berip, bul keselliktiń aqıbetleri kórsetilgen videofilm jıynalǵanlardıń itibarına usınıldı.

Ushırasıw sońında qatnasıwshılar ózlerin qızıqtırǵan sorawlarına tolıq juwaplar aldı hám institutta sáne múnásibeti menen ótkerilgen plakatlar tańlawınıń jeńimpazları diplom hám estelik sawǵaları menen sıylıqlandı.