2022-jıl 23-24-25-26-iyul kúnleri Ózbekstannıń barlıq aymaqlarında 6 joqarı oqıw ornınıń tiyisli bakalavriat tálim baǵdarlarına oqıwǵa kiriw ushın shet tilinen kásiplik (dóretiwshilik) imtixanlar ótkeriledi.

Imtixanlar 2 basqıshta:

1-basqısh (jazba bólimi) – tıńlap túsiniw, oqıw hám jazıw kónlikpelerin bahalaw imtixanları qaǵaz formada;
2-basqısh – sóylew kónlikpesin bahalaw imtixanları bolsa Mámleketlik test orayınıń arnawlı baǵdarlaması arqalı belgilengen orınlarda elektron tárizde bolıp ótedi.

Abiturientler qashan, qay jerde imtixanǵa qatnasıwın my.dtm.uz saytı arqalı jeke kabinetinen bilip alıwı hám imtixanǵa qatnasıw ushın ruxsatnamanı (abiturientti dizimge alıw betiniń tómengi bóliminde) júklep alıwı múmkin.

Abiturientler imtixan ótkeriletuǵın aymaqqa belgilengen waqıttan keminde yarım saat aldın shaxsın tastıyıqlaytuǵın hújjet hám ruxsatnama menen keliwi kerek.

Qaraqalpaqstan Respublikasında shet tilinen kásiplik (dóretiwshilik) imtixanlar tómendegi orınlarda bolıp ótedi:

Imtixannıń jazba bólimi:

Ornı: Qaraqalpaq mámleketlik universitetiniń bas imaratı.
Mánzil: Nókis qalası, Ch.Abdirov kóshesi 1-jay.
Geolokaciya: https://yandex.com/maps/-/CCUNn4qklC, https://goo.gl/maps/1pUWLpKiRN42SevE7.

Sóylew kónlikpesin bahalaw imtixanı:

Ornı: Qaraqalpaq mámleketlik universitetiniń málimleme-resurs orayı.
Mánzil: Nókis qalası, Ch.Abdirov kóshesi 1-jay.
Geolokaciya: https://yandex.com/maps/-/CCUNn4qklC, https://goo.gl/maps/1pUWLpKiRN42SevE7.

Imtixan ótkeriletuǵın orınlar haqqında tolıq maǵlıwmat 👉 https://telegra.ph/Chet-tili-07-18