Ájiniyaz atındaǵı Nókis mámleketlik pedagogikalıq institutında student-jaslardıń huqıqıy bilim hám sawatlılıq dárejesin arttırıw, olardıń hár qıylı jınayat hám huqıqbuzarlıqlarǵa aralasıp qalıwınıń aldın alıw máselelerine baǵıshlanǵan ushırasıw bolıp ótti.

Instituttıń jaslar máseleleri hám ruwxıy-aǵartıwshılıq isleri boyınsha birinshi prorektorı Q.Qodirov basqarıp barǵan ushırasıwǵa Jınayat isleri boyınsha Nókis qalalıq sudınıń sudyası R.Kaukıshev, fakultet dekanları hám olardıń orınbasarları, tyutorlar qatnastı.

Ilajda búgingi kúnde elimizde jaslar máseleleri menen baylanıslı mámleketlik siyasat, jaslardıń oqıwı, bilim alıwı, óner úyrenip, jumıs islewi ushın jaratılıp atırǵan imkaniyatlar menen birgelikte olardıń tálim-tárbiyası boyınsha orın alıp atırǵan ayırım mashqalalar haqqında maǵlıwmatlar berildi.

Usınday talaplardan kelip shıǵıp, jaslar arasında jınayatshılıq hám huqıqbuzarlıqlardı boldırmaw, olardıń huqıqıy mádeniyatı, bilim hám kónlikpelerin arttırıwda fakultet dekanatları, sonday-aq, tyutorlar menen birgelikte jumıs alıp barıwdıń áhmiyeti túsindirildi hám aldaǵı waqıtlarda usı baǵdardar ámelge asırılıwı kerek bolǵan jumıslar belgilep alındı.

NMPI baspasóz xızmeti.