Ózbekstan Respublikası Prezidentiniń 2019 -jıl 8-oktyabr degi PF-5847-sanlı “Ózbekstan Respublikası Joqarı tálim sistemasın 2030 jılǵa shekem rawajlandırıw konsepsiyasın tastıyıqlaw tuwrısında”ǵı pármanı hám de Ministrler Keńesiniń 2021-jıl 9-sentyabrdegi “Respublikada joqarı tálim mákemelerinde studentlerdi turar jay menen qamtıp alıw dárejesin asırıw ilajları tuwrısında”ǵı  563-sanlı qararında Mámleket-jeke sheriklik tiykarında joqarı tálim mákemeleri materiallıq texnikalıq bazasın rawajlandırıwdı jedellestiriw hám studentler turar jayların qurıw belgilengen.

Párman hám qararda joqarı tálim mákemeleriniń ósip baratırǵan mútajliklerin óz waqtında támiyinlew maqsetinde infrastruktura obyektlerin qurıw hám olardan paydalanıwdı shólkemlestiriw jumıslarına jeke investitsiyalardı tartıw názerde tutılǵan.

Ájiniyaz atındaǵı Nókis mámleketlik pedagogika institutına jeke isbilermen «MIX STROY MARKET» MCHJ tárepinen isbilermenlik usınısı, sonday-aq joybar konsepsiyası usınıs etilgen. Usı joybarda Qaraqalpaqstan Respublikası, Nókis qalası, Mártlik kóshesi 28 úy, Ájiniyaz atındaǵı Nókis mámleket pedagogika institutı aymaǵında (0. 5 gektar ) jer maydanında 500 orınǵa mólsherlengen studentler turar jayı obyektin qurıw hám iskerligin shólkemlestiriw joybarlastırılǵan.

Ózbekstan Respublikasınıń “Mámleketlik-jeke sheriklik tuwrısında” 2019 -jıl 10 -maydaǵı O’RQ-537-san Nızamına hám Ózbekstan Respublikası Ministrler Keńesiniń “Mámleketlik-jeke sheriklik joybarların ámelge asırıw rejimin jetilistiriw tuwrısında” 2020 -jıl 26 -apreldegi 259 -san sheshimine muwapıq usı joybardıń konsepsiyası Nókis mámleket pedagogika institutı tárepinen usı jıldıń 9 -iyunında tastıyıqlanǵan.

Nókis mámleket pedagogika institutı studentlerin zamanagóy qolaylı turar jay menen támiyinlew joybarlastırılǵan.

Bul joybardı ámelge asırıwda mápdar tárepler qızıǵıwshılıq bildiriw ushın soraw hám usınısların 2022-jıl 8-sentyabr Tashkent waqıtı menen saat 18:00 ge shekem tapsırıwları kerek.

Tolıq maǵlıwmat Ózbekstan Respublikası Finans ministrligi janındaǵı Mámleketlik-jeke sheriklikti rawajlandırıw agentligi veb saytında kórsetilgen.

Derek: https://www.pppda.uz/9829