Búgin, 5-avgust kúni Ájiniyaz atındaǵı Nókis mámleketlik pedagogikalıq institutında 2022-2023-oqıw jılında bakalavriattıń muzıkalıq tálim baǵdarına qabıllaw ushın kásiplik (dóretiwshilik) imtixanlar ótkerilmekte.

Búgingi imtixanlarǵa usı tálim baǵdarınıń sırtqı qaraqalpaq toparına hújjet tapsırǵan abiturientler qatnaspaqta.

Imtixan barısı ata-analar hám keń jámiyetshilik wákilleri ushın onlayn tárizde tikkeley alıp kórsetilmekte.

Sonıń menen birge, imtixanlardıń ádil hám ashıq-aydın ótkeriliwi jámiyetlik shólkemlerden kelgen baqlawshılar tárepinen qadaǵalanbaqta. Biz olardıń biri menen sáwbetlestik.

— Búgingi imtixan procesin baqlap bardıq. Abiturientler muzıkalıq tálim boyınsha teoriyalıq bilimlerin ámeliy jaqtan kórsetip beriwge háreket etip atır. Barlıǵı ádil túrde bolıp ótpekte. Abiturientlerge, olardıń ata-analarına barlıq sharayatlar jaratılǵanınıń gúwası boldıq, — deydi Ózbekstan Ekologiyalıq partiyası QR Keńesi wákili Dámegúl Seyitova.

Imtixanlar 9-avgustqa shekem dawam etedi.

NMPI baspasóz xızmeti.