ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

NMPIde kásiplik (dóretiwshilik) imtixanlar dawam etpekte

Búgin, 8-avgust kúni Ájiniyaz atındaǵı Nókis mámleketlik pedagogikalıq institutında 2022-2023-oqıw jılına qabıllaw ushın bakalavriattıń muızkalıq tálim, súwretlew óneri hám injenerlik grafikası, dene mádeniyatı tálim baǵdarlarına kásiplik (dóretiwshilik) imtixanlar ótkerilmekte.

Atap aytqanda, muzıkalıq tálim baǵdarınıń sırtqı ózbek toparı, súwretlew óneri hám injenerlik grafikası tálim baǵdarınıń sırtqı qaraqalpaq toparına reńli súwret páninen, dene mádeniyatı tálim baǵdarınıń sırtqı ózbek toparına ótkerilgen imtixanlarda abiturientler ózleriniń tayarlıqların, bilim hám imkaniyatların sınap kórdi.

Sonıń menen birge, búgin institutta mayıplıǵı bolǵan hám kózzi ázzi abiturientler qatnasıwında oqıwǵa qabıllaw boyınsha imtixanlar ótkerildi.

— Ámiwdárya rayonında balalar muzıka hám kórkem óner mektebinde isleymen. Pianino boyınsha jetik qánige bolıwdı maqset etkenmen. Búgin imtixanlarda qatnasıw ushın keldim. Nesip etse, óz bilim hám kónlikpelerimdi kórsetip, jaqsı bahalardı alıp, institutqa oqıwǵa kiriw niyetim bar,- deydi abiturient Maftuna Bozorboeva biz benen sáwbette.

Esletip ótemiz, institutta kásiplik (dóretiwshilik) imtixanlar 9-avgust kúni juwmaqlanadı.

NMPI baspasóz xızmeti.