Xabarıńız bar, sanawlı kúnlerden keyin respublikamızdaǵı barlıq bilimlendiriw mákemelerinde 2022-2023-oqıw jılı baslanadı. Házirgi waqıtta barlıq orınlarda jańa oqıw jılına qızǵın tayarlıqlar alıp barılmaqta.

Búgin, 27-avgust kúni Ájiniyaz atındaǵı Nókis mámleketlik pedagogikalıq institutında jańa oqıw jılına tayarlıq processleriniń barısı, ámelge asırılıp atırǵan jumıslar, orın alıp atırǵan ayrım mashqalalar, olardı óz waqtında sheshiw boyınsha aldaǵı wazıypalarǵa baǵıshlanǵan jıynalıs bolıp ótti.

Ilajǵa prorektorlar, bólim baslıqları, fakultet dekanları, kafedra baslıqları hám tiyisli juwapkerler qatnastı.

Jıynalısta instituttıń oqıw isleri boyınsha prorektorı M.Jumamuratov, ilimiy isler hám innovaciyalar boyınsha prorektor M.Jalelov, rektordıń jaslar máseleleri boyınsha másláhátshisi O.Srajatdinov sózge shıǵıp, kún temasındaǵı kóterilgen másele boyınsha ámelge asırılıp atırǵan jumıslarǵa toqtaldı.

Ilajda tiyisli juwapkerlerge jańa oqıw jılına tayarlıq procesi menen baylanıslı tapsırmalar berildi.

NMPI baspasóz xızmeti.