ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

Qabul 2024

NMPIde ekinshi qánigelikke qabıllaw ushın test sınaqları bolıp ótti

Búgin, 27-avgust kúni Ájiniyaz atındaǵı Nókis mámleketlik pedagogikalıq institutında ekinshi hám onnan keyingi joqarı maǵlıwmat boyınsha hújjet tapsırǵan talabanlar ushın test sınaqları bolıp ótti.

2022-2023-oqıw jılı ushın institutta bakalavriattıń kúndizgi hám sırtqı bilimlendiriw forması boyınsha matematika hám informatika, biologiya, pedagogika hám psixologiya, milliy ideya, ruwxıylıq tiykarları hám huqıq tálimi, baslawısh tálim, mektepke shekemgi tálim, geografiya hám ekonomikalıq bilim tiykarları, tariyx, muzıkalıq tálim sıyaqlı tálim baǵdarlarınıń qaraqalpaq, ózbek hám rus toparlarına talabanlardan hújjetler qabıllandı.

Joqarı hám orta arnawlı bilimlendiriw ministrliginiń ikkinchitalim.edu.uz platforması arqalı 300 ge shamalas talabanlar onlayn tárizde dizimnen ótti.

Test sınaqlarınıń nátiyjeleri instituttıń rásmiy veb-saytı hám sociallıq tarmaqlardaǵı kanallarında járiyalanadı.

NMPI baspasóz xızmeti.