Búgin, 29-avgust kúni Ájiniyaz atındaǵı Nókis mámleketlik pedagogikalıq institutında Ózbekstan Respublikası Ǵárezsizliginiń 31 jıllıǵı hám baslanıw aldında turǵan jańa oqıw jılı múnásibeti menen instituttıń xojalıq bóliminde jumıs isleytuǵın xızmetkerlerdiń mektep jasındaǵı balaları ushın oqıw quralları sawǵa etildi.

Institut rektoratınıń baslaması hám kásiplik awqamı komitetiniń qollap-quwatlawı menen jańa oqıw jılında balalar ushın ishinde barlıq oqıw quralları jámlengen sumkalar tapsırıldı.

Ilajda instituttıń jaslar máseleleri hám ruwxıy-aǵartıwshılıq isleri boyınsha birinshi prorektorı Quvondiq Qodirov sózge shıǵıp, barlıq xızmetkerlerdi hám olardıń perzentlerin jaqınlasıp kiyatırǵan bayram menen qutlıqlap, balalardıń oqıwlarında tabıslar tiledi.

Óz gezeginde, xızmetkerler hám olardıń perzentleri kórsetilip atırǵan bunday itibar hám ǵamqorlıqlar ushın minnetdarshılıqların bildirdi.

NMPI baspasóz xızmeti.