ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

Qabul 2024

Qaraqalpaqstandı rawajlandırıw hám xalıqtıń abadanlıǵın arttırıw boyınsha Prezident pármanınıń mazmunı jáne áhmiyeti túsindirildi

Xabarıńız bar, Ózbekstan Respublikası Prezidentiniń Qaraqalpaqstan Respublikasınıń sociallıq, ekonomikalıq, sonıń ishinde, óndiris hám investiciyalıq potencialınan nátiyjeli paydalanıw, isbilermenlik jumısın rawajlandırıw hám joqarı qosımsha qunǵa iye básekiles ónimler islep shıǵarıwdı xoshametlew, isbilermenlerge kórsetiletuǵın finanslıq xızmetler kólemin keńeytiw, infrastrukturalıq sharayatlardı jaratıp beriw arqalı xalıqtıń bántligin támiyinlew hám aymaqtıń ekonomikalıq jáne sociallıq rawajlanıwın jańa basqıshqa alıp shıǵıw maqsetinde «Qaraqalpaqstan Respublikasında isbilermenlik, innovaciyalıq texnologiyalar hám infrastrukturanı jedel pátlerde rawajlandırıw arqalı xalıqtıń abadanlıǵın arttırıwdıń qosımsha ilajları haqqında»ǵı pármanı qabıl etilgen edi.

Búgin, 6-sentyabr kúni Ájiniyaz atındaǵı Nókis mámleketlik pedagogikalıq institutında usı pármannıń mazmunı, áhmiyeti hám onnan kelip shıǵıp ámelge asırılatuǵın wazıypalarǵa baǵıshlanǵan ilaj bolıp ótti.

Ilajǵa professor-oqıtıwshılar, fakultet dekanlarınıń orınbasarları, tyutorlar hám profilaktikalıq inspektorlar qatnastı.

 

Oǵan institut rektorı Bayrambay Otemuratov qatnasıp, Prezidentimizdiń Qaraqalpaqstan Respublikası Joqarǵı Keńesiniń gezekten tıs otız tórtinshi sessiyasında respublikamızda isbilermenlik, agrar taraw, sanaat óndirisi hám infrastrukturanı rawajlandırıw, xalıqtı sociallıq jaqtan qorǵaw, bilimlendiriwdi rawajlandırıw hám jaslardı qollap-quwatlaw boyınsha keń kólemli jumıslardıń ámelge asırılatuǵınlıǵın belgilep berip, usı tiykarda párman qabıl etilgenligin atap ótti.

Ilajda instituttıń jaslar máseleleri hám ruwxıy-aǵartıwshılıq isleri boyınsha birinshi prorektorı Quvondiq Qodirov usı pármannıń mazmunı hám áhmiyetin keń túrde túsindiriw maqsetinde prezentaciya isledi.

— Prezident pármanına muwapıq, Qaraqalpaqstan Respublikasınıń ekonomikalıq tarmaqlarında innovaciyalıq processlerdiń jedellesiwine erisiw, resurslardan paydalanıw nátiyjeliligin arttırıw hám aymaqtı jedel pátlerde rawajlandırıwdıń tiykarǵı baǵdarları etip aymaqtıń investiciyalıq hám isbilermenlik ortalıǵın jaqsılaw, jaslardıń bántligin támiyinlew, jer hám suw resurslarınan nátiyjeli paydalanıw arqalı awıl xojalıǵı ónimlerin jetistiriwdi kóbeytiw hám qolaylı agrobiznes ortalıǵın jaratıw, bilimlendiriw tarawında qosımsha imkaniyatlar hám insan kapitalınıń rawajlanıwın jańa basqıshqa kóteriwge sharayat jaratıw, sonday-aq, sociallıq qorǵaw baǵdarlamalarınıń qamtıp alıwın keńeytiw belgilengen, — dep atap ótti prorektor.

Ótkerilgen ilajda student-jaslardı turaq jay menen támiyinlew, olardıń bos waqıtların mazmunlı ótkeriw, jaslar arasında jınayatshılıq hám huqıqbuzarlıqlardıń aldın alıw máseleleri boyınsha baslanıp atırǵan oqıw jılında ámelge asırılatuǵın jumıslar dodalandı.

Usı baǵdardaǵı jumıslardıń nátiyjeliligin arttırıw maqsetinde barlıq tyutorlar hám profilaktikalıq inspektorlarǵa zamanagóy planshetler tapsırıldı.

NMPI baspasóz xızmeti.