Xabarıńız bar, Ájiniyaz atındaǵı Nókis mámleketlik pedagogikalıq institutında ekinshi hám onnan keyingi joqarı maǵlıwmat boyınsha hújjet tapsırǵan talabanlar ushın test sınaqları bolıp ótken edi.

Test sınaqları nátiyjesine muwapıq, ekinshi hám onnan keyingi joqarı maǵlıwmat ushın bakalavriattıń kúndizgi hám sırtqı tálim baǵdarlarına qabıllaw boyınsha kóplegen talabanlar hám olardıń ata-anaları tárepinen múrájatlar hám usınıslar kelip tústi.

Usı mazmundaǵı múrájat hám usınıslardı esapqa alǵan halda, Ájiniyaz atındaǵı Nókis mámleketlik pedagogikalıq institutı qabıllaw komissiyası test sınaqlarınıń nátiyjelerine qaramastan ekinshi hám onnan keyingi joqarı maǵlıwmat boyınsha hújjet tapsırǵan barlıq talabanlardı tiyisli bakalavriat tálim baǵdarlarına oqıwǵa qabıllaytuǵınlıǵın málim etedi.

Ekinshi qánigeliktiń kúndizgi tálim baǵdarlarına hújjet tapsırǵan talabanlar usı jıldıń 8-sentyabr kúninen baslap tiyisli fakultetlerdiń dekanatlarına (máselen, matematika hám informatika tálim baǵdarı boyınsha Fizika-matematika fakultetine), al sırtqı tálim baǵdarlarına hújjet tapsırǵan talabanlar usı jıldıń 5-oktyabr kúninen baslap instituttıń 6-oqıw imaratında jaylasqan sırtqı bólimine tómendegi hújjetlerdi alıp keliwi kerek:

– Rektor atına arza (institutta toltırıladı);
– Joqarı maǵlıwmat haqqındaǵı mámleketlik úlgidegi diplomnıń túp nusqası hám qosımshası;
– 3,5 x 4,5 sm ólshemindegi 6 dana fotosúwret;
– pasport hám áskeriy xızmetke qatnası haqqındaǵı hújjet nusqası (bul hújjetlerdiń túp nusqası talabannıń jeke ózi tárepinen kórsetiledi);
– ekinshi qánigelikke hújjet tapsırǵanı haqqındaǵı ruxsatnama qaǵazı;
– hújjetlerdi tigiw ushın papka (papka skoroschivatel);
– A5 formatındaǵı konvert.

NMPI baspasóz xızmeti.