ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

Qabul 2024

NMPIde «Universiada-2022» sport jarıslarınıń dáslepki saylap alıw basqıshı ótkerilmekte

Ájiniyaz atındaǵı Nókis mámleketlik pedagogikalıq institutında studentlerdiń bos waqıtların mazmunlı ótkeriw, olardı sport hám salamatlıq ilajlarına qamtıp alıw, sport sheberligine iye jaslardı múnásip xoshametlew hám qollap-quwatlaw, sonıń menen birge, instituttıń saylandı komandaları ushın sportshılar rezervin qáliplestiriw maqsetinde 1-kurs student-jasları arasında «Universiada-2022» sport jarıslarına start berildi.

Jarıslar instituttıń sport klubı tárepinen belgilengen joba tiykarında 7-15-sentyabr kúnleri aralıǵında sporttıń voleybol, basketbol, gandbol hám mini futbol túrleri boyınsha ótkerilmekte.

7-sentyabr kúni voleybol boyınsha ótkerilgen jarısqa barlıq fakultetlerden komandalar qatnastı hám jarıs oǵada qızǵın, gúreslerge bay boldı.

Solay etip, voleybol sportı boyınsha qızlar arasında 1-orındı Baslawısh tálim, 2-orındı Dene mádeniyatı, 3-orındı Shet tilleri fakultetleriniń komandaları iyelegen bolsa, er-jigitler arasında Tariyx fakulteti 1-orın, Dene mádeniyatı fakulteti 2-orın, Shet tilleri fakulteti komandası sıylı 3-orındı jeńip aldı.

Búgin, 8-sentyabr kúni sporttıń basketbol túri boyınsha jarıslar menen «Universiada-2022» sport jarıslarınıń dáslepki saylap alıw basqıshı dawam etti.

Jarıs juwmaǵına muwapıq, qızlar arasında 1-orındı Dene mádeniyatı, 2-orındı Shet tilleri, al 3-orındı Fizika-matematika fakulteti qızları jeńip aldı. Al er-jigitler arasında ótkerilgen jarıslardıń nátiyjesi tómendegishe boldı: 1-orın – Dene mádeniyatı fakulteti; 2-orın Tariyx fakulteti; 3-orın Pedagogika fakulteti.

Jeńimpaz hám sıylı orın iyeleri diplom hám medallar menen sıylıqlandı.

Institutta «Universiada-2022» sport jarıslarınıń dáslepki saylap alıw basqıshı dawam etpekte.

NMPI baspasóz xızmeti.