ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

Doktorantura, tayanısh doktorantura hám stajyor-izleniwshilikke hújjet tapsırıw múddeti uzaytıldı

Házirgi waqıtta Ózbekstan Respublikası Ministrler Kabinetiniń 2017-jıl 22-maydaǵı 304-sanlı hám 2020-jıl 6-noyabrdegi 696-sanlı qararlarına muwapıq, Birden-bir elektron sistema – phd.mininnovation.uz arqalı joqarı bilimlendiriwden keyingi bilimlendiriw institutlarınıń barlıq formalarına talabanlar tárepinen hújjetler tapsırılmaqta.

Hújjetlerdi 15-sentyabrden 15-oktyabrge shekem qabıllaw belgilengen edi.

Talabanlarǵa hújjet tapsırıwda qolaylıqlar jaratıw maqsetinde 2023-jıl ushın joqarı bilimlendiriw mákemelerinde joqarı bilimlendiriwden keyingi bilimlendiriw institutlarına Mámleketlik byudjet qarjıları esabınan oqıtıw ushın qabıllaw kvotaları 50 procentke kóbeygenligi, kvotalar tastıyıqlanıwı keshikkenligi hám ilimiy-izertlew jumısları menen shuǵıllanıwshı talabanlar tárepinen kelip túsip atırǵan usınıslardı esapqa alıp, joqarı bilimlendiriwden keyingi bilimlendiriw institutlarına hújjetlerdi tapsırıw múddeti usı jıldıń 22-oktyabrine shekem uzaytılǵanlıǵı málim etildi.

Eskertiw: Húkimettiń 2017-jıl 22-maydaǵı 304-sanlı hám 2020-jıl 6-noyabrdegi 696-sanlı qararlarına muwapıq, Birden-bir elektron sistema – phd.mininnovation.uz arqalı talabanlar tárepinen jiberilgen hújjetler hújjet tapsırılǵan shólkem tárepinen kórip shıǵıladı, qabıl etiledi yamasa biykarlanadı.

NMPI baspasóz xızmeti.