ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

NMPIde filarmoniyanıń «Lektoriy» koncert baǵdarlaması bolıp ótti

Ózbekstan mámleketlik filarmoniyası Qaraqalpaqstan Respublikası bólimi «Xalıq sazları» orkestri hám «Ámiw tolqını» ansambli dóretiwshilik jámááti tárepinen Ájiniyaz atındaǵı Nókis mámleketlik pedagogikalıq institutında «Lektoriy» koncert baǵdarlaması shólkemlestirildi.

Ilajda professor-oqıtıwshılar, student-jaslar, institutta jumıs islewshi pedagog hám texnik xızmetkerler filarmoniyanıń kórkem óner sheberleri tárepinen atqarılǵan qosıqlardı tıńlap, ruwxıy hám mádeniy jaqtan dem aldı.

Koncertte jıynalǵanlarǵa xalıq sazlarında qollanılatuǵın muzıkalıq ásbaplardıń túrleri, olardıń ózgeshelikleri, tariyxı haqqında da keń túrde maǵlıwmatlar berildi.

Prezidenttiń arnawlı qararı tiykarında respublikamız boylap ótkerilip atırǵan bunday koncert baǵdarlamaları jaslardı kórkem ónerge, muzıkaǵa qızıqtırıwda úlken áhmiyetke iye boları sózsiz.

NMPI baspasóz xızmeti.