Ájiniyaz atındaǵı Nókis mámleketlik pedagogikalıq institutınıń Tábiyǵıy pánler fakultetiniń bir topar professor-oqıtıwshıları, tayanısh doktorantlar, magistrantlar hám student-jaslar Aqbetkey arxipelagında bolıp, ol jerdiń ósimlik hám haywanatlar dúnyasın úyrendi.

Sońǵı jıllarda Ózbekstan Respublikası Prezidentiniń baslaması menen Aral teńiziniń qurǵaǵan ultanında «jasıl qaplamalar» qorǵanıw toǵaylıqların payda etiw boyınsha keń kólemli jumıslar ámelge asırılmaqta. 2018-2021-jıllarda bul jerde 1 million 600 mıń gektar maydanǵa seksewil hám shólge shıdamlı basqa da ósimlikler egildi.

Aqbetkey arxipelagı jerlerine 2006-2007-jıllarda 2700 gektar maydanǵa seksewiller egilgen bolsa, házirgi waqıtta bul jerdegi seksewiller úlken toǵaylıqlarǵa aylanǵan.

Úyreniw jumısları dawamında olardı qorǵaw boyınsha ilimiy-izertlew jumısların alıp bardı.

Professor-oqıtıwshılar hám studentler bul jerde ámelge asırılıp atırǵan seksewil egiw jumıslarına óz qol-kómegin berdi.