Aldın xabar bergenimizdey, Samarqand qalasında Ózbekstan-Rossiya úshinshi bilimlendiriw forumı bolıp ótpekte.

Samarqand mámleketlik universitetinde ótkerilip atırǵan bul abıroylı xalıqaralıq forumda Ájiniyaz atındaǵı Nókis mámleketlik pedagogikalıq institutınıń rektorı Bayrambay Otemuratov ta qatnasıp, Rossiyanıń jetekshi bilimlendiriw shólkemleri hám kompaniyaları menen ilim, bilimlendiriw, óndirislik integraciyanı jolǵa qoyıw, sonday-aq, pedagog kadrlar tayarlaw, qánigeligin jetilistiriw, ilimiy hám innovaciyalıq jumıslardaǵı birge islesiw baylanısların rawajlandırıw boyınsha sáwbetlesiwler alıp barmaqta.

Forumnıń ekinshi kúni sheńberinde Nókis mámleketlik pedagogikalıq institutı hám Novosibirsk mámleketlik texnika universiteti arasında ilimiy-pedagogikalıq jumıslardı birgelikte alıp barıw maqsetinde eki tárepleme shártnamaǵa qol qoyıldı.

Esletip ótemiz, forumnıń dáslepki kúni dúnya júziniń jetekshi reyting shólkemleri tárepinen joqarı bahalanǵan Qazan federal universiteti, sonday-aq, Sibir federal universiteti menen eki tárepleme birge islesiw boyınsha shártnamalar dúzilgen edi.

NMPI baspasóz xızmeti.