ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

Ilimiy dárejeler hám ilimiy ataqlardı alǵan professor-oqıtıwshılar qutlıqlandı

Búgin, 31-oktyabr kúni Ájiniyaz atındaǵı Nókis mámleketlik pedagogikalıq institutı Ilimiy Keńesiniń náwbettegi májilisi bolıp ótti.

Májiliste institut rektorı Bayrambay Otemuratov ilimiy-izertlew jumısların tabıslı qorǵap shıǵıp, Ózbekstan Respublikası Ministrler Kabineti janındaǵı Joqarı attestaciyalıq komissiyası tárepinen ilim doktorı ilimiy dárejesi berilgen, sonıń menen birge, ilimiy-pedagogikalıq jumıslarında joqarı nátiyjelerdi qolǵa kirgizip, docent hám professor ilimiy ataqlarına múnásip dep tabılǵan instituttıń bir topar professor-oqıtıwshıların institut jámááti hám rektoratı atınan qutlıqladı. Olarǵa diplom jáne sawǵalardı tapsırdı hám aldaǵı jumıslarında tabıslar tiledi.

Bunnan soń Ilimiy Keńes májilisi kún tártibindegi máseleler boyınsha óz jumısın dawam ettirdi.

NMPI baspasóz xızmeti.