Aldın xabar bergenimizdey, respublikamızdaǵı barlıq joqarı oqıw orınları qatarında Ájiniyaz atındaǵı Nókis mámleketlik pedagogikalıq institutında futbol boyınsha Ózbekstan Respublikası Joqarı hám orta arnawlı bilimlendiriw ministri kubogi ushın jarıslar shólkemlestirildi.

Er-jigitler arasında ótkerilgen jarısqa instituttıń barlıq fakultetlerinen komandalar qatnastı.

Jarıstıń sıylı 3-orın ushın ótkerilgen oyınında Pedagogika hám Baslawısh tálim fakultetleri komandaları bronza medalları ushın maydanǵa tústi. Onda Pedagogika fakulteti studentleri jeńip shıqtı.

Finalda Fizika-matematika hám Dene mádeniyatı fakultetleriniń komandaları ushırasıp, oyında Dene mádeniyatı fakulteti komandası jeńimpazlıqtı qolǵa kirgizdi.

Solay etip, jeńimpaz komanda jarıstıń Qaraqalpaqstan Respublikalıq joqarı oqıw orınları arasında ótkeriletuǵın basqıshına jollama aldı.

NMPI baspasóz xızmeti.