ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

Jas óspirimler arasında huqıqbuzarlıqlardıń aldın alıwǵa baǵıshlandı

Nókis mámleketlik pedagogikalıq institutı akademiyalıq liceyinde «Jas óspirimler arasında huqıqbuzarlıqlardıń aldın alıw» atamasında jıynalıs bolıp ótti.

Ilajǵa instituttıń jaslar máseleleri hám ruwxıy-aǵartıwshılıq isleri boyınsha birinshi prorektorı Q.Qodirov, Nókis qalalıq Ishki isler uyımları jumısların muwapıqlastırıw basqarmasınıń jas óspirimler máseleleri boyınsha inspektor-psixologları G.Berdaqova, N.Oraqbaeva, licey jámááti, psixologlar, sonday-aq, oqıwshılar qatnastı.

Jıynalısta sózge shıqqanlar búgingi kúnde jas óspirimler arasında ushırasıp atırǵan hár qıylı huqıqbuzarlıqlar, jınayatlar, olardıń aqıbetleri, sonday-aq, aldın alıw maqsetinde alıp barılıp atırǵan jumıslar haqqında maǵlıwmatlar berdi.

Sonıń menen birge, oqıwshılardıń internet tarmaǵı, mobil telefonlardan durıs hám maqsetli paydalanıwı, sabaqlarǵa óz waqtında qatnasıwı sıyaqlı máseleler sóz boldı.

Ilaj oqıwshı-jaslar menen soraw-juwap tárizinde dawam etti.